Кнез: На државите ќе им стане потешко да се задолжуваат

Пораките што доаѓаат од најголемите централни банки од средината на септември се јасни - тие ќе се борат цврсто и остро против високата инфлација. Реториката на клучните централни банки е најважниот фактор во последните неколку недели.

„Ова следува по летното закрепнување на пазарот, кога пазарите навистина слушнаа одредени позитивни информации и со тоа беше поттикнат апетитот за ризик“, објаснува главниот аналитичар на Блумберг Адриа, Андреј Кнез.

Сега е поинаку. Во последните неколку недели се манифестираат сè поцврсти очекувања дека во наредните неколку квартали ќе има рецесија барем во најголемите светски економии, додава тој.

Американскиот S&P индекс го заврши септември со најголем месечен пад од март 2020 година.

„Тоа е прилично значајна негативна промена во релативно краток временски период. Можеби најдобриот пример за најновите ситуации е она што го видовме во петокот. Видовме многу добри податоци од американскиот пазар на труд. Тоа нормално би значело, во некои други времиња, дека ќе даде поттик за раст на апетитот за ризик, но во овој случај пазарите 'пукнаа' после тоа“, објаснува нашиот аналитичар.

Bloomberg Adria

Пазарите во овој момент ги доживуваат ваквите податоци во смисла дека централните банки дополнително ќе ја засилат својата реторика во насока на монетарни затегнувања.

„Вообичаено е во вакви ситуации, кога имаме одбивност кон ризик, да има мала активност на т.н. примарен пазар“.

Во периодот што следи, земјите од регионот веројатно ќе се задолжуваат на домашните пазари, најверојатно на краток рок, смета Кнез.

„Треба да се има предвид дека на локалниот пазар сè уште има многу необврзана ликвидност, што ќе биде од корист за двете страни“, додава тој.

Наведува дека на стопанството, но и на државите ќе им биде потешко да добиваат кредити, што последователно ќе доведе до повисоки каматни стапки и додаде дека ќе биде потребно повеќе време повисоките трошоци за задолжување да се прелеат во стопанството.

Во последните неколку недели видовме дека Словенија и Романија излегоа на пазарот и се задолжија. Словенија, вели Кнез, ја прошири својата тековна емисија, има рок на доспевање од десет години за 500 милиони евра, Романија се задолжи на четири години и седум години кумулативно 1,25 милијарди евра.

„За нас, аналитичарите, интересно е да се набљудува интересот на инвеститорите. Книгата каде што инвеститорите се пријавуваат, за Словенија беше четири пати поголема во однос на конечната емисија. За околу две милијарди евра беше поголем интересот на инвеститорите од конечната емисија“, објаснува Кнез.

„Капитал има, но важно е по која цена“, додава тој.

Во моментов нема коментари за веста. Биди прв да коментира...

Остави коментар