Низ аеродромите во регионот Адрија поминале 8.571.957 патници во текот на првата половина на 2022 година, а хрватските аеродроми зазедоа четири позиции меѓу десетте најдобри.
Белградскиот аеродром „Никола Тесла“ надмина два милиони патници и ја задржа првата позиција, и се смести меѓу првите 18 на континентот. Следат Приштина и Загреб, со нешто повеќе од милион патници. Љубљана, Тиват и Мостар бележат најбавно закрепнување. Словенечката метропола е на 44,6 отсто од нивото што го имаше пред Ковид пандемијата, Тиват на 44,9, а Мостар на само 15,4 отсто.
Љубљана уште се бори со поседиците од банкротот на Адрија Ервејс, додека Тиват е тешко погоден од војната во Украина и европската геополитика и ги загуби туристите од Русија, Украина и Белорусија.
Во текот на јуни Босна и Херцеговина, Косово и Албанија беа единствените пазари каде бројките ги надминаа оние од пред пандемијата, а Македонија и Србија се блиску до изнедначување.
Словенија, покрај Украина и Белорусија, е најлош европски пазар, следуваат Финска, Бугарија и Чешка. Белград и Сплит се рангирани меѓу 100 најдобри на континентот во текот на месецот, на 78-то односно на 92-то место, а блиску се Дубровник, Загреб и Приштина. Задар во текот на јуни ги надмина Сараево, Подгорица и Љубљана, што се должи на зголемениот број линии од Рајанер од градот.
Македонија се враќа на нивото од 2019
Засега, бројот на летови и патници во земјава расте и се враќа на нивото од пред пандемијата. Заклучно со јуни годинава бројот на патници и летови е поголем од лани и полека се изедначува со 2019 година, односно годината пред почетокот на ковид-кризата и затворањето на земјата.
Во јуни од македонските аеродроми имало вкупно 2.120 полетувања и слетувања, што е за 43 отсто повеќе од лани и за еден отсто помалку од јуни 2019.
Расте и бројот на патници. Тој во јуни изнесувал 236.239, што е двојно повеќе од лани и 5 отсто помалку споредено со јуни 2019.
.webp){kind=icon}
