Од 1 јули свежо овошје и лекови од Србија за Кина заминуваат без царина

Договорот за слободна трговија со Кина стапува на сила на 1 јули, а од тој ден од Србија без царина ќе може да се извезува свежо овошје и зеленчук, фармацевтски производи, производи од хемиската и машинската индустрија.

Министерот за трговија Томислав Момировиќ денеска ги повика бизнисмените од Србија да ги истражат можностите и да ги искористат сите поволности за зголемување на конкурентноста, проширување на бизнисот и зголемување на извозот.

„Потпишавме договор со земјата која има најголем пазар во светот. Го отворивме нашиот пазар од 6,5 милиони жители, а домашните компании добија шанса да се натпреваруваат на пазарот од 1,4 милијарди жители. Тоа е повеќе од шанса, можеби најголема шанса за нашите компании во последните 25 години“, им порача тој на бизнисмените во Стопанската комора на Србија на првото претставување на договорот.

На првиот ден од стапувањето во сила на договорот, 60 отсто од стоките или околу 10.000 производи ќе бидат ослободени од царина. Потоа, во следните пет до 10 години, ќе продолжат на ваков начин да се штитат уште 30 отсто од стоките, додека 10 отсто од најчувствителните, пред се земјоделските производи и понатаму ќе бидат царински заштитени

Тој додаде дека стоката која дотогаш ќе биде бесцаринска за пет години ќе има намалена царина за 20 проценти секоја година, додека стоката што ќе биде бесцаринска за 10 години ќе има намалување од 10 проценти секоја година до тогаш.

„Нашата цел е домашните компании да ги пласираат и брендираат своите производи на кинескиот пазар, но договорот значи и дека луѓето кои увезуваат од Кина ќе имаат поповолен увоз. Државата намерно се лиши од приходи од царина во еден сегмент за да стопанството може да увезува по поповолни услови“, рече министерот.

Министерот за финансии Томислав Момировиќ - Beta/Miloš Miškov

Тој посочи и дека државата ќе го следи спроведувањето на договорот со Кина, за да не дојде до прекумерен увоз, нагласувајќи дека договорот не може да се злоупотребува.

Како пример за влијанието на трговијата врз економскиот раст на земјата, тој наведе дека во растот на бруто домашниот производ (БДП) во претходниот период најголемо влијание имала надворешнотрговската размена.

„Минатата година растот на нашиот БДП беше околу 2,5 отсто, а 2,3 отсто се должи на трговијата. Извозот порасна за 1,5 отсто, а увозот придонесе за 0,8 отсто“, рече тој.

Момировиќ најави и дека се работи на потпишување договор за слободна трговија меѓу Србија и Египет и Обединетите Арапски Емирати.

Михајло Весовиќ, директор на Секторот за стратешки анализи, услуги и интернационализација во ПКС, истакна дека покрај Србија, само Швајцарија и Грузија од Европа имаат договор за слободна трговија со Кина.