Најскапиот метар квадратен во првиот квартал од оваа година е продаден за 2888 евра. Се работи за стан од 45 метри квадратни во скопската општина Кисела Вода за кој биле платени 130.000 евра, стои во кварталниот извештај на Агенцијата за катастар. Извештајот нотира дека бројот на реализирани трансакции на пазарот на недвижности е значително намален. Во споредба со последното тримесечје од минатата година, бројот на продадени станови во периодот од јануари до март 2026 година е намален за 27 проценти, а нивната вкупна финансиска вредност е намалена за 23 проценти.
Добро утро, ова се останатите пет вести што се важни за почеток на денот.
Уриваме рекорди во потрошувачката на лекови на рецепт: најмногу за срце, желудник и нерви
Во 2025 година на товар на Фондот за здравствено осигурување во аптеките биле реализирани вкупно 27.334.693 рецепти во износ од 3,59 милијарди денари (58,4 милиони евра), покажуваат податоците од годишниот извештај на ФЗОМ за 2025 година. Во него се констатира дека потрошувачката на лекови на рецепт на товар на Фондот преку аптеките бележи континуиран раст во изминатите години.
Просечната потрошувачка на лекови според бројот на реализирани рецепти по осигуреник за 2025 година е 14,8 рецепти, што претставува зголемување од околу 4,4 проценти во однос на 2024 година. Просечниот фактуриран износ по осигуреник за 2025 година на ниво на државата изнесува 1.953 денари, што претставува зголемување од околу 9,87 проценти во однос на 2024 година.
ФЗОМ лани им исплатил 19,5 милиони евра на „Аџибадем Систина“ и „Жан Митрев“ за кардиоваскуларни интервенции
Фондот за здравствено осигурување на Македонија во 2025 година за двете приватни здравствени установи „Аџибадем Систина“ и „Жан Митрев“ обезбедил договорни надоместоци во вкупен износ од 1,2 милијарди денари (19,5 милиони евра) за кардиоваскуларни интервенции, покажуваат податоците од годишниот извештај на ФЗОМ за 2025. Според извештајот, лани во „Аџибадем Систина“ имало 1.450 случаи на товар на ФЗОМ, а во „Жан Митрев“ 1.216 случаи.
Освен во овие две приватни здравствени установи, осигурениците во Македонија имаат можност да добијат здравствени услуги од областа на кардиоваскуларната хирургија и во две јавни здравствени установи (Универзитетска клиника за државна кардиохирургија и Универзитетска клиника за торакална и васкуларна хирургија) со кои Фондот има склучено договор за оваа дејност.
Индикаторот на Бафет: Американските акции на историски максимум, регионот Адрија нуди можности
Постојат илјадници показатели што аналитичарите и инвеститорите ги користат за да проценат дали пазарот е скап или евтин - почнувајќи од односот цена/заработка (P/E) и приносите на обврзниците, па сè до технички осцилатори и анкети за сентимент. Но само еден од нив добил име по човек кој никогаш официјално не го патентирал, а сепак целиот финансиски свет го нарекува по неговото име.
Индикаторот на Бафет, или поточно кажано, односот меѓу вкупната пазарна капитализација и бруто домашниот производ, претставува многу едноставна, а во исто време и моќна алатка за долгорочна процена на вредноста на пазарот. Кога ќе видите каде се наоѓа токму сега, ќе разберете зошто финансиската јавност го следи со сè поголемо внимание.“
Зошто мозочните импланти се повеќе од научна фантастика
Стартапи развија чипови што им овозможуваат на луѓето да управуваат со машини со своите мисли. Милијардерите се обложуваат дека овие мозочно-компјутерски интерфејси би можеле да станат секојдневна потрошувачка технологија.
Научната фантастика одамна замислува свет во кој нашиот мозок комуницира со машините за да ги обноват и унапредат нашите способности - сетете се на невралните импланти што го поврзуваа визирот на Џорди Ла Форџ во „Ѕвездени патеки“ или му овозможија на Алекс Марфи да биде повторно роден како киборг-полицаец во „Робокап“.
Испораките на нафта од островот Харг изгледа како да се на пауза
Испораките на нафта од главниот извозен терминал на Иран изгледа дека се запрени во последните неколку дена, според сателитски снимки - прв знак за подолга пауза од почетокот на војната.
На 8, 9 и 11 мај не биле забележани океански танкери на островот Харг, покажуваат европски сателитски снимки собрани од „Блумберг“. Иако имало поединечни денови кога пристаништата биле празни од почетокот на конфликтот, ова е најдолгиот период без танкери досега.
.webp){kind=icon}
