Иран предупреди дека ќе возврати подалеку од Блискиот Исток ако САД или Израел ги обноват нападите врз Исламската Република. Предупредувањето доаѓа по новите закани од претседателот Доналд Трамп.
Добро утро, ова се петте вести што се важни за почеток на денот.
Македонците рекордери: Трошиме милиони за недвижности во Грција
Македонски резиденти лани инвестирале 21 милион евра во недвижности во Грција, што е убедлив рекорд во изминативе години. Податоците на Банката на Грција покажуваат дека од 2019 година наваму речиси секоја година има зголемување на директните инвестиции од Македонија во грчкиот недвижен сектор.
Статистиката открива дека всушност Македонија се најде на 20-то место на листата најголеми инвеститори во недвижности во Грција во минатата година. Листата ја предводат Турција со инвестирани 214 милиони евра во грчки недвижности, Швајцарија (211 милиони евра) и Кипар (210 милиони евра).
Македонија под воден стрес: Губиме две третини од водата
Загубите на вода или таканаречената вода без приходи на глобално ниво изнесуваат над 40 отсто. Според податоците на Светската банка, тоа претставува околу 45 милиони кубни метри дневно, што е еквивалент на 45.000 олимписки базени или количество што би можело да ги задоволи потребите на 200 милиони луѓе.
Во развиените земји загубите изнесуваат до 20 отсто. Лидери во ефикасноста се Германија и Јапонија, каде што загубите на вода не надминуваат 7 отсто. Најкритична е состојбата во Хаити, каде што загубите надминуваат 60 отсто, што се должи на разорните земјотреси и урагани, кои континуирано ја оштетуваат инфраструктурата.
Дали „Гучи“ наскоро ќе се појави на Ф1-болиди?
Тимот „Алпин“ од Формула 1 во моментов е во преговори со „Гучи“ за можен спонзорски договор што би вклучувал присуство на овој луксузен бренд, во сопственост на „Керинг“, на нивните болиди.
„Алпин“ истражува партнерства со повеќе брендови, вклучувајќи го и „Гучио Гучи“ (Guccio Gucci S.p.A.), но преговорите сè уште се во тек и конечна одлука сè уште не е донесена, наведуваат извори запознаени со ситуацијата.
Роботаксијата можеби се иднината, но не нужно и напредок
Кон крајот на март Њујорк го заврши својот прв експеримент со роботакси. Скромниот пилот-проект со осум автономни возила, управуван од „Вејмо“ (Waymo), подружница на „Алфабет“ (Alphabet), заврши без продолжување. Градоначалникот Зохран Мамдани засега не покажува интерес за негово обновување, а уште помалку за поширока примена на такви возила во градот. Додека „Вејмо“ и конкуренти како „Зукс“ (Zoox) и „Тесла“ (Tesla) најавуваат ширење во градови од Сиетл до Мајами, иднината на автономните возила во Њујорк и натаму останува неизвесна.
Поддржувачите на автономните возила ги критикуваат Мамдани и гувернерката на сојузната држава Њујорк, Кети Хочул, која во февруари го повлече предлогот со кој на комерцијалните компании за автономни возила ќе им се овозможеше работа во остатокот од државата. Тие тврдат дека со тоа се затвора вратата за технологија што би можела да ја зголеми безбедноста, да го намали метежот и да ги реши проблемите со паркирањето. Но историчарот Питер Нортон од Универзитетот во Вирџинија смета дека градските и државните власти имаат добра причина за претпазливост.
„Опен-еј-ај“ планира ИПО наскоро
„Опен- еј-ај“ се подготвува да поднесе барање за иницијална јавна понуда (ИПО) во наредните недели и има за цел јавен повик некаде на есен, според лице запознаено со планот.
Создавачот на Чет ГПТ работи со „Голдман“ и „Морган Стенли“ за да поднесе доверливо ИПО барање уште во петок, но точниот тајминг останува неизвесен, рече лицето, кое побара да остане анонимно бидејќи информацијата не е јавна.
.webp){kind=icon}
