Шпанија е на пат да стане првата земја меѓу петте големи европски економии што произведува повеќе од половина од својата електрична енергија од обновливи извори, покажува процената на „Ристад енерџи“ (Rystad Energy).
Медитеранската нација има намера да го консолидира своето лидерство во секторот на зелена енергија, користејќи ги значајните инвестиции што ги направи во последната деценија. Тоа овозможи рана имплементација на копнениот ветер, кој сега сочинува повеќе од 20 отсто од неговата излезна сила, што до неодамна беше поврзано со развојот на фотоволтаичната соларна енергија, велат од истражувачката фирма со седиште во Осло.
Растот е во согласност со поставените цели на владата, која работи на тоа да го зголеми уделот на зелената енергија во вкупното производство на струја на 74 проценти до 2030 година, што ќе ѝ овозможи на Шпанија да го надмине просекот од 50 отсто оваа година пред Франција, Германија, Италија и Обединетото Кралство.
Процентуално производство на енергија според извори / Bloomberg Mercury
„Земјата успеа да ја намали и зависноста од фосилни горива. Со природниот гас како главен извор на производството на гориво, Шпанија постигна извонреден напредок во постепеното укинување на производството од јаглен“, смета високиот аналитичар на „Ристад“, Фабијан Ронинген.
Сепак, производството засновано на фосилни горива се зголеми во 2022 година, по одлуката на владата да воведе ограничување на цената на природниот гас што се користи за производство на електрична енергија. Тоа ја зголеми разликата во трошоците со Франција, поттикнувајќи го шпанскиот извоз во соседната земја, која исто така беше погодена од намалено производство од обновливи извори.
„Континуираниот извоз на електрична енергија во Франција може да го наруши понатамошниот раст на обновливите извори на енергија оваа година“, смета Ронинген. Сепак, според него, преминот од нето-увозник на енергија во нето-извозник значи дека Шпанија станува клучен играч на глобалниот енергетски пазар.
.webp){kind=icon}
