text size
Европската унија (ЕУ) планира да донесе мерки за да му помогне на секторот за енергија од ветер следниот месец, откако тесните грла во синџирот на снабдување и повисоките финансиски трошоци ги стопираа инвестициите во фармите на ветер.
Пакетот треба да го забрза издавањето дозволи за проекти за енергија од ветер, да помогне да се обезбеди стабилно снабдување и да се подобрат постојните правила за аукции, изјави минатата недела претседателката на Европската комисија Урсула фон дер Лајен. Пакетот треба да биде објавен на 24 октомври, според дипломати запознаени со ова прашање, а извршната власт на ЕУ најверојатно ќе се одлучи за стратегија или ќе вклопи промени во регулативите што веќе ги разгледуваат пратениците, наместо да воведува целосно нови закони.
Европа се обидува да ја забрза својата транзиција кон одржлива економија и да ја зајакне енергетската сигурност во позадината на повисоките цени и слабиот раст. Меѓу другото, креаторите на политиката сакаат да спречат зголемено купување на опрема за обновлива енергија од други земји, како Кина, со што ЕУ ќе стане независна по ова прашање од други земји.
Bloomberg Mercury
„Почнуваме да гледаме зголемена конкуренција од неевропските производители“, рече Фил Кол, директор за индустриски прашања во „ВилдЕвропа“ (WindEurope). „Слушнавме од претседателката Фон дер Лајен дека треба повеќе да се движиме кон моделот „Произведено во Европа“ кога станува збор за обновливите извори на енергија – и тоа сега е целосно вкоренето во погледот на индустријата“.
ЕУ веќе дебатира за некои претходни предлози дизајнирани да го поттикнат производството на чиста енергија, како што е Законот за нето-нулта индустрија, кој предвидува до 2030 година блокот да има домашно производство да зафаќа најмалку 40 отсто од потребите за технологија за чиста енергија.
Сепак, клучна загриженост е тоа што, и покрај огромниот раст на обновливите извори на енергија во Европа во последните години, компаниите за енергија од ветер се под притисок поради зголемените цени на суровините и повисоките финансиски трошоци. Дури и најголемите европски производители на турбини на ветер се борат, вклучувајќи ги „Вестас Вилд Системс“ (Vestas Wind Systems A/S) и„Сиеменс Енерџи“ (Siemens Energy AG).
Bloomberg Mercury
0Додека околу 250 фабрики во ветерниот сектор во Европа можат да се потпрат на фондовите за иновации на ЕУ, тие гледаат потешкотии во добивањето пристап до финансии за проширување на синџирот на снабдување. Бавниот процес на издавање дозволи е исто така голема главоболка, бидејќи проектите за ветер на брегот често чекаат дури пет години за зелено светло.
„Голем дел од причините зошто процесот на издавање дозволи трае толку долго е едноставно затоа што нема доволно луѓе во регионалните власти за издавање дозволи или во локалните власти за издавање дозволи да ја обработат документацијата“, рече Кол. „И многу од овие системи се базирани на хартија. Затоа мораме да размислиме како да ги забрзаме тие процеси“.
.webp){kind=icon}
