.webp){kind=icon}
Некои од најголемите европски менаџери со пари велат дека трговците грешат кога се обложуваат дека Европската централна банка (ЕЦБ) завршила со зголемувањето на каматните стапки.
Како нето увозник на енергија, регионот е особено изложен на пораст на цените доколку ескалира кризата на Блискиот Исток, при што пазарите ја потценуваат можноста за дополнително затегнување како одговор, според „Лигал енд џенерал“ (Legal & General Investment Management), „Вангард“ (Vanguard Asset Management Ltd) и „Робеко“ (Robeco Groep). Порди ова краткорочните државни обврзници се особено ранливи.
Погледот се судира со цените на своповите кои покажуваат речиси загаранирана пауза од страна на ЕЦБ на следниот состанок - и само 10 проценти шанса за зголемување на стапката од 25 базични поени. Во САД, своповите укажуваат на 40 отсто шанса Фед да ги зголеми каматните стапки за уште четвртина поен.
„Европа во овој поглед е поранлива од кој било друг развиен пазарен блок“, рече Кристофер Џефри, шеф на стратегија за стапки и инфлација во „Лигал енд џенерал“, која управува со средства од 1,6 билиони американски долари. „ЕЦБ е централна банка која би можела да почувствува потреба да пречекорува“.
Во исто време, претседателката на ЕЦБ, Кристин Лагард и нејзините колеги ќе мора внимателно да го одмерат економското влијание на покачувањето, дури и ако цените на енергијата го продолжат своето искачување. Долгот на Италија ја прави третата по големина економија во ЕУ особено ранлива во однос на построгите политики.
Трговците ги зголемуваат облозите за затегнување oд Фед, ЕЦБ малку се промени
Bloomberg
Стравувањата од поширока криза од нападот на Хамас врз Израел на 7 октомври ја зголемија цената на нафтата Брент за повеќе од 10 отсто. Прекините во клучните бродски рути, како што е Панамскиот канал и екстремните временски услови кои ги нарушуваат резервите на основните прехранбени производи се само дополнителни фактори кои би можеле да ја задржат европската инфлација.
Единствениот мандат на ЕЦБ за стабилност на цените, исто така, ја зголемува веројатноста дека европските креатори на политики ќе направат скок соочени со зголемените трошоци за енергија. Нивните колеги во Фед се задолжени за промовирање на максимална вработеност, како и за држење на цените под контрола.
Алес Кутни, шеф за меѓународни стапки во „Вангард“, се согласува со пазарните цени што сугерираат дека ЕЦБ ќе ги задржи стапките на исто ниво во четврток, но вели дека трговците се премногу самоуверени во врска со изгледите за дополнително заострување во наредните месеци. Фирмата надгледува вкупно 1,9 билиони американски долари во активно управувани средства со фиксен приход на глобално ниво.
„Пазарот ја потценува можноста за уште едно зголемување од страна на ЕЦБ“, смета Кутни. „Исто беше и со Фед“, сè до минатата недела.
Еден од аргументите во прилог на пауза на зголемувањето е фискалната ситуација во Италија, која се влоши поради забавувањето на растот. Понатамошно заострување би влијаело на активноста и би можело дополнително да ја зголеми премијата за ризик на земјата, ризикувајќи должничка криза.
Членот на Управниот совет на ЕЦБ, Габриел Махлуф, претходно месецов изјави дека распонот на приносите на италијанските обврзници е „апсолутно нешто на што официјалните лица ќе бидат многу фокусирани“. Јазот меѓу приносите на италијанските и германските 10-годишни обврзници неодамна надмина 200 базични поени, ниво кое често се следи.
Италијанско-германскиот распон на приносот на државните обврзници неодамна се прошири
Bloomberg
„Со оглед на тоа што економијата на еврозоната веќе се бори, а маржите меѓу BTP-Bund нагло се зголемуваат, ЕЦБ е веројатно многу поблиску до прагот на болка отколку Фед“, напишаа стратезите за стапки на „Комерцбанк“ (Commerzbank AG), предводени од Кристоф Ригер. Тие предвидуваат дека стапките на ЕЦБ се на врвот.
Но, оние кои веруваат дека зголемувањето на каматните стапки не е завршено, укажуваат на други фактори. Колин Грахам, шеф на стратегии за повеќе средства во „Робеко“, рече дека дополнителните стимулативни мерки од Кина, исто така, ќе поттикнат нови бранови на инфлациски притисок во регионот.
„Дефинитивно мислиме дека ЕЦБ треба повеќе да ги зголеми стапките“, истакна Грахам. „Инфлацијата сè уште не е под контрола“.
