.webp){kind=icon}
Стапката на невработеност во Германија неочекувано се искачи на највисоко ниво во последните две и пол години, што е знак дека слабоста на најголемата европска економија почнува да влијае на нејзиниот пазар на трудот.
Во ноември достигна 5,9 отсто, во споредба со претходниот месец, кога беше 5,8 отсто, објави во четвртокот Федералната агенција за труд. Невработеноста се зголеми за 22.000, малку повеќе од просечната процена на економистите во истражувањето на „Блумберг“.
„Економскиот пад остава свој белег“, рече Андреа Налес, шефица на германската Федерална агенција за труд. „Вработеноста сега расте само маргинално, а побарувачката за работници продолжува да слабее“.
Пазарот на трудот беше отпорна точка во економијата, која се бори да закрепне од енергетската криза минатата зима. Производството се намали во третиот квартал, а според Бундесбанк земјата е во рецесија.
Стапка на невработеност во Германија
Bloomberg
Половина од германските компании имаат проблеми со пополнување на слободните работни места поради акутен недостиг од квалификувана работна сила. Тоа би можело да создаде загуба од околу два отсто од бруто-домашниот производ, според процената на индустриската групација ДИХК (DIHK Chambers of Industry and Commerce).
