.webp){kind=icon}
Европската централна банка (ЕЦБ) нема да чека толку долго колку што претходно се прогнозираше за намалување на каматната стапка, при што првото намалување сега се очекува во вториот квартал, според економистите на „Голдман Сакс“ (Goldman Sachs).
Американската инвестициска банка ја промени својата прогноза во извештајот во четвртокот, неколку часа откако податоците покажаа дека инфлацијата значително ослабе и се движи кон целта од два процента. Економистите, вклучувајќи го и Јари Штен, претходно очекуваа потег во третиот квартал.
Прочитајте повеќе: Инфлацијата во еврозоната забавува побрзо од очекувањата
„Иако гледаме значајни препреки за намалување на стапката пред вториот квартал, ризиците околу нашата основна линија се јасно насочени кон побрз циклус на намалување ако инфлацијата продолжи да забавува побрзо од очекуваното или ако растот не успее да се засили следната година“, напишаа аналитичарите.
Промената го усогласува нивното мислење со ставот на инвеститорите кои сега целосно се надеваат на намалување во април и покрај тврдењата на многу претставници на ЕЦБ дека трошоците за задолжување треба да останат високи некое време.
Податоците од четвртокот беа досега најјасен доказ дека контекстот за цените брзо се менува. Инфлацијата во ноември беше 2,4 отсто, помалку од половина од нејзината стапка во август, а трет резултат по ред кој беше помал од очекувањата на економистите.
Инфлацијата во еврозоната забави повеќе од очекуваното
Bloomberg
Други аналитичари, исто така, сигнализираа дека новите податоци би можеле да поттикнат преоценување на изгледите за цените и монетарната политика. „Ова нè тера да се запрашаме дали брзо се движиме кон старата рамнотежа на ниска инфлација, која отсекогаш ја наведувавме како поверојатно сценарио отколку повисока инфлација“, велат аналитичарите на Банката на Америка предводени од Рубен Сегура-Кајуел во нивниот извештај. „А тоа нè наведува да се запрашаме дали јуни 2024 година може да биде презадоцнет датум за ЕЦБ да почне да ги намалува каматните стапки“.
Што вели „Блумберг економикс“...
- „ЕЦБ ги зголеми трошоците за задолжување многу повеќе од било кои проценки. Ова станува сè поочигледно во економските податоци, а влијанието се гледа и во инфлацијата. Приказната е слична и од другата страна на Атлантикот, а глобалното расположение се менува. Секој од тие три настани би можел да ја поттикне ЕЦБ да ги намали каматните стапки пред средината на следната година, а камоли некоја нивна комбинација“, напишаа Дејвид Пауел и Џејми Раш во нивниот извештај.
Марк де Мујзон, економист во „Дојче банк“, врз основа на податоците од четвртокот пресметал дека со сегашното темпо на раст на базичната инфлација паѓа под два отсто, многу порано отколку што предвидуваат прогнозите на централната банка. „Последните податоци за инфлацијата сами по себе ја зголемуваат можноста ЕЦБ да ублажи побрзо од очекуваното“, напиша тој во извештајот.
Покрај податоците за потрошувачките цени, економистите на „Голдман“ својата нова прогноза ја засноваат на поголото фискално запирње во Германија, кое и штети на економијата на еврозоната и доказите дека пазарот на трудот забавува.
„Со оглед на тоа, сè уште очекуваме постепено намалување на циклусот“, напишаа тие, истакнувајќи дека растот на еврозоната сепак треба да се подобри следната година и дека мерките за зголемување на платите се сè уште „цврсти“.
Иако ЕЦБ ќе објави нови прогнози на состанокот на 14 декември, кои би можеле да ја постават основата за промена на ставот, се чини дека функционерите-јастреби не се подготвени да го сторат тоа. Претседателот на Бундесбанк, Јоаким Нагел, во четвртокот, по објавувањето на податоците, инсистираше на тоа дека ризиците од инфлација се „насочени нагоре“.
