Жителите на Лондон имаат поголема слобода да работат оддома отколку вработените во Париз, покажува истражувањето на „Блумберг Интелиџенс“, кое сугерира дека работниците во Велика Британија имаат поголема преговарачка моќ на тесниот пазар на труд.
Истражувањето спроведено на 15 ноември покажа дека 20 отсто од работниците во Париз не смеат да работат оддома, додека во Лондон таа бројка е четири отсто. Резултатите од 500 канцелариски работници во Велика Британија и 250 во Франција покажаа дека лондонци имаат поголема флексибилност да работат оддома, а повеќето имаат опција за канцеларија или дом.
Флексибилните работни аранжмани станаа начин за привлекување таленти за време и по пандемијата кога беше тешко да се вработат луѓе. Пазарот на трудот во Британија покажа знаци на заладување, со опаѓање на слободните работни места и зголемување на невработеноста, но сепак е поцврст отколку во Франција. Стапката на невработеност во јули во Велика Британија е 4,3 отсто наспроти 7,4 отсто во Франција.
Bloomberg
„Во однос на компензацијата за одбиената работа оддома, лондонци исто така бараат повеќе од нивните париски колеги, што би можело да значи дека е поголема довербата во пазарот на трудот“, рече аналитичарката на „Блумберг интелиџенс“, Сирин Бузид. И покрај малото омекнување на пазарот на труд во Велика Британија, Бузид рече дека не забележала значително намалување на флексибилноста.
Bloomberg
Повеќето жители на Лондон би побарале двоцифрено зголемување на платите доколку не можат да работат оддома на нивната сегашна работа, додека во француската престолнина само 28 отсто се изјасниле дека ќе го направат тоа. Од друга страна, секој петти лондонец рече дека би се согласил да работи за помала плата доколку се пресели за да може да работи оддома, што е поголем број отколку во Париз.
Bloomberg
Транспортните трошоци обесхрабруваат 57 отсто од работниците во Лондон да одат во канцеларија. Само четвртина од испитаниците во француската престолнина ги наведуваат тие трошоци, но париските работодавци се обврзани да сносат половина од патните трошоци, се вели во извештајот на БИ. Слично на тоа, трошоците за детска грижа, кои се двојно повисоки во Лондон отколку во Париз, се уште еден проблем наведен од лондонци за работа оддома.
Bloomberg
Оние лондонци кои со задоволство одат во канцеларија наведуваат заштеда на сметки за домаќинството. За парижаните, можноста за пренос на знаење и вмрежување ги носи во канцелариите. „Додека цените на енергијата во Европа се зголемија, француската влада понуди одредено ниво на поволности, додека повеќето Британци не уживаат такви поволности“, рече Бузид.
.webp){kind=icon}
