Забележливото зголемување на платите на почетокот на годината во еврозоната веројатно ќе ја задржи нервозата кај претставниците на Европската централна банка (ЕЦБ), која веројатно ќе ја намали каматната стапка за 25 базични поени следниот месец, но прашање е дали тоа ќе продолжи со таа динамика веднаш.
Податоците од најголемите европски економии покажуваат дека растот на платите не е значително забавен во првиот квартал. Опасноста лежи во фактот што компаниите ги пренесуваат овие зголемени трошоци на потрошувачите и на тој начин долго време ја одржуваат инфлацијата над целта од два процента.
Bloomberg Mercury
Главниот негативец, ако може да се каже така, во таа приказна е Германија, каде што претходните договори, кои вклучуваат еднократни плаќања, нагло ги зголемија платите. Претставниците на ЕЦБ тешко дека ќе се утешат со индициите дека растот на платите на други места во еврозоната сè уште покажува умереност.
Во секој случај, речиси е извесно дека првичното намалување на каматната стапка ќе се случи во јуни, но слаби се надежите дека така ќе продолжи и во наредните месеци.
„За ЕЦБ, значителното зголемување на платите во Германија ќе биде причина да се продолжи многу внимателно со намалувањето на каматната стапка, дури и со многу помал пораст на платите во повеќето други членки на еврозоната“, смета економистот Карстен Бжески од „ИНГ банка“.
Еден од предизвиците за ЕЦБ е фактот дека преговорите за платите функционираат многу поинаку во еврозоната. Во Белгија на пример многу договори се директно поврзани со инфлацијата, а во Германија и во Италија вработените често мора да чекаат нова рунда преговори, што ги одредува трендовите на платите неколку години.
Bloomberg Mercury
Во Франција преговорите се пофлексибилни, а платите во многу сектори се преговараат еднаш годишно.
Германија годинава доживеа серија штрајкови во транспортниот сектор, а некои градежни работници имаат намера да го сторат истото тоа неделава, барајќи повисоки плати во првиот ваков радикален потег по 17 години.
„Недостигот од работна сила ќе изврши притисок врз растот на платите. Не очекуваме номиналната вредност да достигне одржливо ниво под четири проценти“, вели главниот економист на „Беренберг банка“, Холгер Шмидинг.
Официјалните податоци за договорените плати излегуваат на 23 мај, а „Евростат“ ќе ги објави податоците за растот на платите во првиот квартал на 7 јуни, точно еден ден по следниот состанок за каматните стапки на ЕЦБ.
ЕЦБ разви и сопствена методологија за следење на развојот на платите во еврозоната, а тие податоци покажуваат знаци на намалување на притисоците врз растот.
Bloomberg Mercury
ЕЦБ посочува дека профитот на компаниите треба да преземе дел од порастот на трошоците за плати откако маржите пораснаа во последните години. Сепак, неизвесно е колку се случува тоа во услужниот сектор.
Во секој случај, следењето на податоците во триаголникот на плати, раст на продуктивноста и профит останува клучна референтна точка.
.webp){kind=icon}
Во моментов нема коментари за веста. Биди прв да коментира...