Довербата на инвеститорите во германската економија паѓа и понатаму заради високите цени на енергијата.
Референтната вредност за очекувањата на Институтот ZEW падна на – 55,3 отсто во август споредено со -53,8 отсто претходниот месец, што е различно од проценките на економистите дека ќе следи благ раст. И индексот кој ги покажува актуелните услови е влошен.
Bloomberg
„Се уште високите стапки на инфлација и очкувањата за дополнителни трошоци за греење и струја водат до намалување на очекувањата за заработувачка кај приватниот сектор“, вели Михаел Шредер од Институтот.
Европската најголема економија – која престана да расте во вториот квартал- страда од намалените испораки на енергија од Русија и сгтравува од рестрикции во следниот период. Домаќинствата се соочуваат со дополнителни годишни трошоци од околу 290 евра откако владата презеде мерки за растоварување на комуналните компании од растот на цените, што пак дополнително ја забрза инфлацијата.
На позитивната страна, гасот кој почна да тече минатиот месец низ гасоводот Северен Тек, ги полни складиштата согласно распоредот, со што растат надежите дека недостигот ќе биде избегнат.
Канцеларот Олаф Шолц минатата недела им вети на граѓаните трет пакет помош по ред за да се справат со кризата со високите цени, потсетувајќи дека земјата се соочува со „сериозни времиња“. Неговата администрација брза да ја намали зависноста на земјата од руските фосилни горива преку наметнување мерки за штедење, меѓу кои се и пониските температури за греење на просториите за време на зимата.
Нискиот водостој на Рајна, клучната транспортна врска, ги става под ризик пратките со гориво и други стоки, влошувајќи ги проблемите со кои компаниите се соочуваат уште од ковид кризата.
.webp){kind=icon}
