Нарачките на германските фабрики неочекувано не се зголемија во февруари бидејќи светската економија се подготвуваше за најавите на американскиот претседател Доналд Трамп за зголемување на увозните давачки и прекин на глобалните синџири на снабдување.
Побарувачката беше непроменета во однос на јануари, чиј пад од 5,5 отсто не беше толку голем како што се мислеше првично, објави во петокот Заводот за статистика. Аналитичарите во истражувањето на „Блумберг“ прогнозираа раст од 3,4 проценти за февруари.
Bloomberg Mercury
Прочитај повеќе

Закрепнувањето на Германија е загрозено од претстојните царини за автомобилите
Според „Блумберг економикс“, одлуката на Трамп да воведе царини од 25 проценти на целиот увоз на автомобили во САД го загрозува закрепнувањето на Германија од долгогодишната стагнација.
28.03.2025

„Порше“ и „Мерцедес“ може да загубат 3,7 милијарди долари поради царините
Царините на Трамп ќе ги погодат извозниците на автомобили и на автоделови.
27.03.2025

Како муницијата на „Рајнметал“ ја искористи својата златна шанса
Старомодното вооружување стана непресушен извор на пари за најголемата германска воена компанија.
19.03.2025

Мерц постигна договор со зелените за германскиот долг
Договорот треба да биде потврден и одобрен од пратениците.
14.03.2025

Кризата во Германија удри и по фудбалот
58 проценти од љубителите на спортот сметаат дека економската криза е голема или многу голема
10.03.2025
Без поголеми нарачки, побарувачката падна за 0,2 проценти. Појасен показател за здравјето на германските фабрики ќе дојде в понеделник, кога ќе бидат објавени бројките за индустриското производство и трговијата.
Одделните денешни статистички податоци покажаа посветла слика за индустријата во Франција и во Шпанија, каде што производството се зголеми за 0,7 проценти во февруари на годишна основа, што е повеќе од очекуваното.
Германскиот производствен сектор се мачи од 2022 година, кога Русија ја нападна Украина и ги зголеми цените на енергијата. Сега ќе мора плус и да се справува со царината од 20 проценти што Трамп неделава ја воведе на сиот увоз од Европската Унија, при што водечката автомобилска индустрија во земјата сега се соочува со уште поостри давачки.
Раздорот со САД за прашања што ги вклучуваат трговијата и војната во Украина ја натера Германија нагло да го преиспита својот внимателен став за јавната потрошувачка. Идниот канцелар Фридрих Мерц планира да инвестира стотици милијарди евра за модернизација на инфраструктурата и зајакнување на војската.
Економистот на „Комерцбанк“ (Commerzbank), Јерг Кремер, бројките за фабричката активност во февруари ги окарактеризира како „разочарувачки“, истакнувајќи дека дојдовните нарачки сè уште се на ниско ниво.
„Сепак, закрепнувањето на показателите за расположение, како што е индексот за деловна клима на Ифо (Ifo), ги поттикнува надежите дека нарачките малку ќе се зголемат во наредните месеци“, рече тој. „Тоа главно се должи на глобалните намалувања на клучните каматни стапки. Сепак, масовното зголемување на американските царини ќе го забави закрепнувањето“.
Последиците од давачките на Трамп би можеле да ги згаснат надежите дека германската економија ќе порасне годинава, според Робин Винклер од „Дојче банк“ (Deutsche Bank). Коментирајќи пред објавата на податоците денеска, тој посочи дека постои „јасен ризик“ од уште една година на стагнација или дури и рецесија доколку царинските нивоа на САД останат такви какви што се.