Македонецот годишно во просек фрла по 83 килограми отпад од храна

Во светот лани се фрлиле 931 милиони тони храна, дел како вишоци храна (сурова или зготвена), дел како произведена храна, чиј рок на употреба изминал или амбалажата била оштетена, дел како вишок во самото производство. Овие податоци се објавени во најновата публикација на Програмата за животна средина при Обединетите Нации (ОН), кои на годишно ниво ги пресметуваат загубите од храна во светот. Анализираме и каква е ситуацијата во Македонија. Според проценките на невладините организации, храната што се фрла во Македонија е доволна за најмалку 13.000 лица да добијат оброк три пати на ден во текот на целата година. Секој Македонец инаку во просек фрла по 83 килограми храна годишно.