Европската централна банка (ЕЦБ) неделава ќе започне нова ера на монетарната политика, во ситуација кога официјалните лица ја комплетираат позицијата за соочување со заканата дека инфлацијата ќе излезе од контрола.
Вооружени со нови прогнози и со рекорден раст на цените, претседателката Кристин Лагард и нејзините колеги ќе стават крај на купувањето на обврзници вредни трилиони евра и ќе го зацементираат патот кон излез од осумгодишните негативни каматни стапки.
И покрај тоа што потрошувачките цени кои се зголемуваат за повеќе од четиркратно над целта од 2 отсто се доволно алармантни, кварталните прогнози ќе ја поддржат промената на ЕЦБ. Нејзините проекции веројатно ќе покажат дека инфлацијата нема повторно да падне под целта до 2024 година.
Новите квартални бројки ќе бидат првите кои целосно ќе ја отсликаат руската војна во Украина, која без разлика кога ќе заврши ќе има трајни ефекти врз трошоците за енергија и храна. Новата реалност ќе покаже дека критериумите на ЕЦБ за подигнување на каматните стапки конечно се исполнети - овозможувајќи ѝ да се приклучи на Федералните резерви и отанатите колеги во зголемувањето на трошоците за задолжување.
„Со проекциите, тие можат да покажат дека нивните три услови се исполнети“ за да почнат да ги отстрануваат стимулациите, вели Карстен Џуниус, економист во банка во Цирих. „Тие навистина можат да го затворат старото поглавје и да се соочат со новите закани“.
Bloomberg
Пресвртот беше драматичен. Инфлацијата сега надмина 8 отсто, поттикната од трошоците за енергија и логистика. Дури и кога тие прашања ќе се надминат, дезинфлациската динамика од изминатата деценија веројатно нема да се врати, смета Лагард.
Економисти анкетирани од „Блумберг“ сметаат дека проекцијата на инфлацијата во 2024 година ќе изнесува 2 отсто. Тоа би го задоволило условот на ЕЦБ дека растот на цените не само што се забрзува за краток период, туку останува покачен и на среден рок.
Резултатот ќе биде прво зголемување на стапката по повеќе од една деценија во јули, откако нето-купувањето на обврзници ќе прекине. Прашањето за колку е предмет на енергична дебата во Управниот совет, каде што некои сакаат зголемување од 50 базични поени.
Лагард ја прикажа руската инвазија како клучен момент што може да се покаже како пресвртна точка за хиперглобализација, истовремено забрзувајќи ја зелената транзиција - при што и двете имплицираат траен инфлациски притисок. Таа предвидува курс надвор од стапките под нулата до октомври како враќање на „понормалните“ поставки.
Bloomberg
Како што цената на основните производи расте, речиси половина од германските граѓани велат дека морале силно или многу силно да ја намалат потрошувачката, според истражување објавено минатата недела.
„Се чини дека во овој Управен совет има поставено приоритет да сигнализира дека прави нешто за инфлацијата, иако постојат ризици за раст“, вели Евелин Херман, економист во Банката на Америка во Париз. „Тоа е многу еднострана дискусија која во голема мера ги игнорира ризиците дека инфлацијата може да се движи токму на спротивен начин“.
Повиците за бавно придвижување во несигурното економско опкружување станаа сè поретки. Но, дури и кога тие доаѓаат, како на пример од членот на Извршниот одбор, Фабио Панета, исто така има признание дека стапките мора да се зголемат од рекордно ниски за да се задржат очекувањата за цените под контрола.
.webp){kind=icon}