.webp){kind=icon}
Владата денеска ги презентираше придобивките за македонските земјоделци од ИПАРД 3 програмата која тежи 97 милиони евра, што е за 62 проценти повеќе отколку претходната ИПАРД 2 програма. Во првиот повик од новата програма кој беше објавен денеска, а ќе трае до први ноември годинава на располагање се 30 милиони евра. Тие се наменети за изградба на фарми, оранжерии, објекти и опрема за преработка, собирање, ладење, сушење, потоа за подигнување насади, инсталирање на систем „капка по капка“ и друга современа инфраструктура за земјоделски стопанства.
Земјоделците ќе можат да конкурираат за помош од ИПАРД која ќе покрива до 60 отсто од вкупните прифатливи трошоци или 70 отсто за младите земјоделци. Помошта може да се исплати авансно, веднаш по потпишувањето на договорот, а опремата може да се набави од која било земја.
Премиерот Димитар Ковачевски истакна дека се работи за помош за земјоделците, со која ќе можат да набават нови машини и технологии, да изградат нови објекти или да стартуваат свој бизнис. Тој смета дека програмата треба да им биде мотивација да се одржат на пазарот, но и да го модернизираат своето производство.
Прочитај повеќе
Намалување на пестицидите - грижа за европските земјоделци
До 2030 година употребата од хемиски пестициди треба да се намали до 50 проценти
17.04.2023
Сушата на југот од Европа може да ја разгори инфлацијата
Сувото време влијае на земјоделските култури и доцнењата со садењето кај некои од клучните европски производители на храна.
15.04.2023
Лани еден, годинава носи уште тројца на работа во Хрватска, сезонците на јуриш
Моментално најатрактивни дестинации се Хрватска, Германија и Англија.
23.03.2023
„За шест години од земја која не ги искористуваше сретствата од европските програми Северна Македонија ја доби програмата ИПАРД 3 како прва земја во регионот која ќе користи нови неповратни 97 милиони евра за инвестиции во земјоделскиот сектор“, рече премиерот Ковачевски.
Тој додаде дека годинава се отвораат нови можности за нови бизниси, работни места и инвестиции, а целта е ИПАРД 3 да биде со уште поголем успех и искористеност од ИПАРД 2.
Министерот за земјоделство Љупчо Николовски рече дека само преку ИПА во земјава досега се вложени милијарда евра и додаде дека во моментов тече и еден повик од девет милиони евра од ИПАРД 2, со што домашните земјоделци имаат на располагање речиси 40 милиони евра.
„Преку ИПАРД 2 имаме склучено 2.369 договори или најмногу во регионот. Она што радува е фактот дека 859 договори се на млади земјоделци кои гледаат шанса дома и кои инвестираа 10 милиони евра. Верувам дека ИПАРД 3 ќе го надмине успехот на ИПАРД 2, кој имаше 98 отсто искористенот бидејќи компаниите веќе имаат искуство со апликациите, а земјоделците се добро информирани од перманентната кампања која ја водиме“, рече Николовски.
