Сувото време влијае на земјоделските култури и доцнењата со садењето кај некои од клучните европски производители на храна, како што се Шпанија и Италија, што дополнително може негативно да се одрази врз цените на храната и инфлаторните трендови.
Околу 60 отсто од земјоделските региони во Шпанија се погодени од суша, а условите се влошуваат и за земјоделците во Италија и Португалија.
Зимата исто така беше сува и релативно топла, што ја намали количината на достапни залихи од вода.
Иако во март и во првата половина на април во другите делови на Европската унија наврна дожд, а прогнозата за зголемување на производството на жито е за околу осум отсто во споредба со минатата година, европскиот југ, кој произведува големи количини на овошје и зеленчук, и натаму е во проблеми.
„Сеидбата во долината на реката По традиционално започнува на крајот на февруари или почетокот на март, но во моментов почвата е премногу сува“, вели претседателот на италијанското земјоделско здружение „Конфагриколтура“ (Confagricoltura), Масимилијано Џансанти.
„Колку подолго чекаме, толку ќе биде помал родот“, додава тој.
Вкупната инфлација во еврозоната паѓа, а цените на храната растат
Bloomberg Mercury
Прочитајте повеќе: Базичната инфлација во еврозоната достигна нов рекорд
Нагорниот притисок врз цените на храната во Европа продолжува и покрај падот на вкупната стапка на инфлација.
Овогодинешната суша може да го погоди производството на домати и овошје, вели Џансанти. Станува збор за италијанска индустрија со годишна продажба од 20 милијарди евра, од кои осум милијарди евра отпаѓа на извозот.
Загрозени се и сојата и пченката, што пак може да ги зголеми трошоците за производителите на месо, вклучително и живинарите.
Во Италија цената на доматите е за 30 отсто повисока од лани.
Во Шпанија наведуваат дека загубите се веќе неповратни за повеќе од 3,5 милиони хектари земјоделско земјиште.
.webp){kind=icon}
