.webp){kind=icon}
Глигор Бишев е избран за претседател на Фискалниот совет - независното тело што ќе ги надгледува макроекономските и фискалните политики во земјава. Тоа, како што објави „Блумберг Адрија“, веќе станува оперативно, а денеска, по одржувањето на конститутивната седница, министерот за финансии Фатмир Бесими се сретна со членовите на советот. Воспоставувањето на Фискалниот совет е за зајакнување на системот, а е дел од поширока реформа за здрави и одржливи буџетски и макроекономски политики.
Во првиот состав на Фискалниот совет, покрај Бишев, кој доаѓа по предлог од Народната банка, членуваат и академик Абдулменаф Беџети, предложен од МАНУ, и Марина Трпеска, редовна професорка на Економскиот факултет на УКИМ, предложена од Државниот завод за ревизија.
Наскоро ќе се одржи состанок на кој во фокусот ќе биде подготовката на буџетот за 2024 година.
Прочитај повеќе
Бишев, Беџети и Трпеска ќе немаат „сребрен куршум“ за државните финансии
Собранието ги избра тројцата експерти членови на Фискалниот совет и тие почнуваат со работа.
29.09.2023
Фискален совет во Македонија: Тројца независни и куп долгови
Фискалниот совет ќе се состои од тројца членови, предложени од три институции, а ќе ги именува Собранието.
08.11.2022
„Фискалниот совет е дел од големата реформа во јавните финансии, каде што независно тело ќе ги надгледува спроведувањето на целите, макроекономската поставеност и политиките што се спроведуваат. Но, Фискалниот совет е важен сегмент од поставувањето нов и подобар систем на јавните финансии, додека реформите предвидуваат и фискални правила, интегриран систем на јавни финансии, мерење на резултатите и голем број други реформи што ќе ја зацврстат структурата и ќе придонесат за фискална одржливост“, изјави Бесими.
Заменик-министерот за финансии Филип Николоски, министерот Фатмир Бесими и државната секретарка во МФ, Јелена Таст
Фискалниот совет, во согласност со Законот, на независна, објективна и професионална основа ќе изработува анализи и мислења за макроекономските и фискалните претпоставки користени за изработка на буџетот на државата и фискалната стратегија, измената и дополнувањето на буџетот на државата, полугодишниот извештај за реализација на буџетот, завршната сметка на буџетот и друга документација поднесена пред Собранието на Република Северна Македонија или објавена во согласност со овој закон и слично.
