Графикони: Платата урива рекорди, продуктивноста во длабок минус

Просечната плата во земјава и во јуни годинава постави нов рекорд. Изнесуваше 41.939 денари, објави неделава Државниот завод за статистика. На годишна основа номиналниот раст изнесуваше 14,8 отсто. Реално, во однос на јуни лани се зголеми за 11,2 отсто.

Анализирано по сектори, во јуни кај рударството е забележан најмал раст на годишна основа од 0,1 отсто, кај преработувачката индустрија и во секторот снабдување со електрична енергија, гас, пареа и климатизација годишниот пораст на просечната плата во јуни изнесуваше 12,9 и 13,7 отсто, соодветно.

Ваквите плати се постигнати во услови на намалување на индустриското производство. Рударството, во јуни се намали за 9,6 отсто на годишна основа. Во секторот снабдување со електрична енергија каде статистиката бележи највисок раст на просечната плата, падот на производството е уште подлабок, изнесува 16,7 отсто.

Во истиот период се намали и продуктивноста во македонската индустрија. Во јуни годинава намалувањето на годишна основа изнесува 7,5 отсто. Едноцифрен пад на продуктивноста има само кај преработувачката индустрија.

Во моментов нема коментари за веста. Биди прв да коментира...

Остави коментар