Даночна реформа е потребна, но не по концептот кој го најавува Владата, изјави утрово во гостување на ТВ Bloomberg Adria, професорот Бранимир Јовановиќ. Тој вели дека најавените реформи не обезбедуваат праведност во даночењето и дека наместо да се зголеми опфатот кај побогатите, се прави доополнителен товар кај понемоќните. Јовановиќ ја застапува идејата за прогресивно оданочување.
„Дефинитивно е потребна даночна реформа, бидејќи во услови на криза како што на фирмите и на граѓаните им требаат пари, така и на државата и требаат пари да ги помогне тие граѓани и фирми. Сведоци сме дека државата цело време ветува помош. Од каде ќе ги најде тие пари? Постојат два начини во теоријата - преку задолжување или преку даноци. Задолжувањето сега не е објективно затоа што каматите се многу високи, па даноците се опција. Да, даночна реформа е потребна, но даночна реформа што ќе биде издржана и праведна, што ќе ги даночи тие што имаат, а не тие што немаат. Тоа не е исполнето во најавената даночна реформа, вели Јовановиќ.
Според него воведувањето давачки за хонорарците е лоша идеја од аспект што тие се работници кои се без постојан работен однос и имаат ниски примања и непостојан приход.
„Оваа Влада дефинитивно беше против однаочувањето на хонорарците во 2014 година и иронично и трагично по осум години да има целосно свртување, трагично е и од политичка гледна точка, но тоа сега не е најважно. Тоа се луѓе кои немаат постојан работен однос и немаат редовни приходи па не е најсоодветно од нив да се почнува реформата. Ги оставате тие кои имаат месечни примања во илјданици евра и наместо прогресивен данок воведувате данок за хонорарците, вели професорот.
За најавата на даночење на добивката од камати на штедни влогови вели дека е во ред но само ако се обезбеди правичност па се одначуваат тие кои имаат милионски сум заштеди, а не тие кои заштедиле по на пример 1.000 евра.
Смета и од друга страна, одначувањето на реинвестираната добивка не добра реформа за помалите компании кои се и така под силен удар на актуелната ситуација.
„Треба да се одначуваат оние кои создаваат екстра профити. Такви имаше и во кризата, како што се на пример, трговците со храна и енергија. Е сега не се зголемуваат даноците за нив, туку за оние обичните фирми кои сакаат да инвестираат, вели Јовановиќ.
Поопширно во видеото.
.webp){kind=icon}
Во моментов нема коментари за веста. Биди прв да коментира...