Лани Македонија ја посетиле 1,26 милион туристи, што е за 7,8 отсто повеќе од 2023 година, покажуваат податоците од Државниот завод за статистика (ДЗС). Трендот на раст на бројот на туристи што ја посетуваат земјава расте и веќе се надминати претпандемиските бројки, кога на пример во 2019 година Македонија угостила повеќе од 1,18 милион туристи.
Според ДЗС, бројот на ноќевања лани изнесувал речиси 3,3 милиони и во однос на претходната година е зголемен за околу 162.000 или за 5,2 отсто. Сепак, се чини дека ефектот е многу поголем со оглед на фактот што сместувањето во угостителските објекти е значително поскапено, кое во декември на годишно ниво бележи ценовен раст од дури 34 отсто.
Прочитај повеќе
Наплив на турски инвестиции во Македонија, голем интерес за енергетиката
Вкупните директни инвестиции од Турција во Македонија изнесуваат две милијарди евра, а половина од странските работници во земјава се Турци.
31.01.2025
Хрватска и Словенија со најмал раст на ноќевањата во ЕУ, Малта била најатрактивна летото
Малта е најпосетуваната земја минатото лето според бројот на ноќевања преку онлајн платформите, Словенија, Бугарија и Хрватска имале најмал раст.
08.01.2025
Шест корисни трикови за максимално уживање во патувањата
Најдобрите нови ресторани воопшто не се ресторани, а предградијата се во тренд
05.01.2025
Инфлацијата расте, на годишно ниво во декември поевтиниле само рибите
На годишно ниво цените на храната пораснале за над пет отсто
08.01.2025
„Во периодот јануари-декември 2024 година, во однос на истиот период од претходната година, бројот на туристите е зголемен за 7,8 проценти, и тоа кај домашните туристи има намалување за еден отсто, а кај странските има зголемување за 13,1 отсто. Бројот на ноќевањата е зголемен за 5,2 проценти, и тоа кај домашните туристи има зголемување за 2,1 отсто, а кај странските за 8,9 проценти“, пишува во соопштението од ДЗС.
Ако се гледаат статистичките податоци само за декември, тогаш може да се заклучи дека состојбата е речиси непроменета во однос на истиот месец претходната година, односно бројот на туристи е намален за 0,9 отсто, а бројот на ноќевања е зголемен за 1,6 проценти. Од вкупно нешто над 55.000 туристи, 21.000 се домашни, а 34.000 странски.
Трендот продолжува како и досега и најмногубројни се туристите од Турција, чија бројка во декември изнесува 7.809, што во однос на вкупниот број странски туристи што ја посетиле Македонија (34.052) претставува 23 отсто. Следуваат соседите, меѓу кои најмногубројни се Бугарите (4.711), па Србите (4.183) и Грците (3.507).
Посетителите најмногу уживале во главниот град, каде што во последниот месец лани престојувале речиси 20.000, а на езерските места биле угостени речиси 16.000 туристи.
.webp){kind=icon}