Хрватска и Словенија со најмал раст на ноќевањата во ЕУ, Малта била најатрактивна летото

Во текот на третиот квартал од 2024 година гостите платиле 366,2 милиони ноќевања преку краткорочно изнајмување на сместувачки капацитети во рамки на земјите од ЕУ, а кои биле резервирани преку платформите „Ер-би-ен-би“ (Airbnb), „Букинг“ (Booking), „Експидија“ (Expedia Group) или „Трипадвајзор“ (Tripadvisor). Според статистичките податоцо на Еуростат, ова претставува зголемување од 18 проценти во споредба со истиот период во 2023 година.

Реализирани ноќевања во земјите од ЕУ преку онлајн платформите по месеци во третото тримесечје во 2023 и 2024 година Еуростат

 

Во сите три месеци во третиот квартал (јули, август и септември) од 2024 година се забележува раст на ноќевањата резервирани преку онлајн платформите. Во јули 2024 година се регистрирани 135 милиони ноќевања, што е зголемување од 16,4 проценти во споредба со јули 2023 година. Август брои 152,2 милиони ноќевања резервирани преку платформи, што е за 21,6 отсто повеќе во споредба со август 2023 година, а во септември има 79 милиони, или за 14 отсто повеќе од пред една година.

„Овие информации доаѓаат од месечните податоци за сместување за краток престој понудени преку онлајн платформи за третиот квартал од 2024 година на национално ниво“, објави денеска Еуростат.

Малта е најатрактивната во врвот од сезоната, балканските приморски земји со најмал раст

Малта е земјата која го предводи растот во месец август, кој се смета за врв во летната сезона на патувања. Ноќевањата на краток период во оваа земја лани биле за 41,4 отсто побројни отколку во август 2023 година. Трите најатрактивни држави за посета ги заокружуваат Германија, чиј број на ноќевања во август е зголемен за 32,7 отсто, како и Франција со раст од 29,9 проценти. 

Број на ноќевања по земји остварени во август 2024 споредено со август 2023 година Еуростат

 

Наспроти нив, меѓу помалку атрактивните за патување во минатогодишниот ек на сезоната биле земјите од Балканот кои излегуваат на море. Најмал пораст на ноќевањата реализирани за краток престој бележи Хрватска (+9,7%), а следуваат Бугарија со зголемување од 12,2 отсто и Словенија со +13,6 проценти.

Туризмот во Хрватска, Словенија и Грција во голема мера зависи од летните одмори

Дефинитивно јули и август се двата најфреквентни месеци, но нивото на сезонско престојување (мерено како учество на јули и август во вкупните ноќевања на гости во текот на целата година) е највисоко во Хрватска. Таму дури 60 проценти од годишните ноќевања на гости се регистрирани во јули или август.

 

 

Летото е најпосакувано и за сместувачите во Словенија и Грција, каде што скоро половина од вкупните годишни ноќевања, или 46 проценти, се случуваат токму во летната сезона, односно јули и август. Во Луксембург, Германија и Белгија овие два летни месеца се најмалку доминантни и учествуваат со отприлика четвртина во вкупните годишни ноќевања остварени од посетителите.

 

Париз е најатрактивен град за посета, а Задар е меѓу тие со најмногу туристи во однос на локалното население

Иако е рано да се направат анализите и деталните статистики за годината која штотуку измина, интересно е да се потсетиме на претходните податоци кои покажуваат дека Париз е убедливо најатрактивниот град за посета. Таму преку анализираните платформи за резервации за краток престој се остварени над 19,2 милиони ноќевања во 2023 година. Тоа е значајно повеќе од останатите градови кои се меѓу најомилените на туристите. Во Рим се реализирале 12,5 милиони ноќевања, а во Барселона 10,9 милиони.

 

 

Според процентот на туристи кои престојуваат во градот во однос на локалното население, Задар е вториот град на листата. Таму во 2023 година имало 1,64 милиони остварени ноќевања, што во однос на локалните жители значи дека 6,5 проценти биле туристи.

Еуростат

 

Предводник на листата е шпански Бенидорм со 8,2 проценти туристи во однос на локалното население. Инаку, просекот на ЕУ во целина за овој статистички показател е само 0,44 проценти.