Бензините поевтинуваат за 2 денари, а за дизелот не се менува цената. Ова е одлучено на последната вонредна пресметка за цените на горивата, што денеска ја објави Регулаторната комисија за енергетика (РКЕ).
Со тоа, уште повеќе се зголемува јазот меѓу поевтини бензини и значајно поскапиот дизел, што е невообичаена состојба на пазарот. Според новите цени Еуросупер 95 ќе се продава за 87,5 денари, а литар Еуросупер 98 ќе чини 90 денари. Дизелот продолжува да се продава по истата цена од 101,5 денари. Тоа значи дека бензините сега се продаваат по цена за 11,5 денари, односно за 14 денари поевтино од дизелот.
Залихите на дизелот за патишта, маслото за греење и други горива се очекува да паднат овој ноември на најниско ниво по податоците од почетокот на 2011 година, според „Вуд Мекензи“.
10.08.2022
„Регулаторната комисија за енергетика и водни услуги (РКЕ) денеска донесе вонредна одлука за цените на нафтените деривати со која се намалуваат цените на бензините за два денари, а условот да се намали дизелот се уште не е исполнет“, изјави претседателот на Регулаторната комисија за енергетика, Марко Бислимовски.
Јазот меѓу цените на горивата, според Бизлимовски, во Македонија се пресликува од движењата на светските берзи, каде во август имаше драстична промена на односот на цената на бензините и дизелот.
„За првпат откога го пратиме ние овој сектор, цената на бензините е пониска од цената на дизелот не во Македонија, туку и на светските берзи. Овие податоци од ПЛАЦ коишто ги користиме имаме обврска како што ги преземаме така да ги применуваме“, појасни Бислимоски, додавајќи дека со истите податоци работат и во Хрватска, Црна Гора, Србија, Словенија.
Поттикнат од, како што вели, шпекулациите во јавноста за начинот на методологијата за пресметка на цените на горивата, првиот човек на РКЕ уште еднаш се обиде да образложи на кој начин регулаторното тело ја формира цената на горивата.
Вели дека РКЕ ги следи цените на медитеранската берза и за тоа од ПЛАЦ добива потврда за секој нафтен дериват посебно.
„Цената на бренд нафтата ние не ја земаме во предвид бидејќи, за жал, во државата немаме рафинерија која што произведува нафтени деривати“, рече Бислимоски на денешната прес-конференција.
„Тоа што го објавува ПЛАЦ од медитеранската берза ние го ставаме во нашите пресметки, земајќи го во предвид и курсот на доларот. Факт е дека последниве две-три недели курсот на доларот е речиси залепен до курсот на еврото. И тоа беа главни причини за зголемување на цената на дизелот. Ниту имало идеи намерно да се зголемува цената на дизелот, па заради тоа да се полни буџетот, сето тоа се шпекулации и невистини од највулгарен тип“, истакна Бислимоски и додаде дека на овие влезни параметри цена на светски берзи и курс на долар се додаваат давачките коишто се кон државата.
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Кинеските власти соопштија дека ќе започнат истрага за медицински CT рендген цевки увезени од САД и Индија и ќе го стопираат увозот на производи од живина од две американски компании.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
