.webp){kind=icon}
Клучните податоци за инфлацијата во САД, што се очекува да бидат објавени утре, би требало да покажат инфлација на највисоко ниво во последните четири децении. Нагласените големи притисоци на цените ги водат американските Федерални резерви (ФЕД) кон уште едно големо покачување на каматните стапки во текот на следниот месец.
Се предвидува дека т.н. основен индекс на потрошувачки цени, што ги вклучува храната и енергијата, да порасне за 0,4 отсто во септември во однос на претходниот месец, односно за 6,5 отсто во споредба со ланскиот септември. Тоа би било стапка која што последен пат е регистрирана во март, но всушност е највисока од 1982 година.
Меѓутоа, се очекува дека индексот на потрошувачки цени (CPI) ќе забави и покрај брзото годишно темпо од 8,1 отсто. За тоа би придонеле падот на цените на бензините, покажува анкетата што Блумберг ја спроведе меѓу економистите.
Bloomberg Mercury
Извештајот треба да ја нагласи и огромната улога што особено ја има една од компонентите, а тоа е домувањето. Аналитичарите гледаат знаци дека базичната инфлација го достигна врвот и дека конечно ќе се префрли на страната на пад, иако намалувањето на инфлацијата може да потрае.
„Веројатно сме близу до врвот, но во врска со тоа не мислам дека брзо ќе се вратиме на ниските бројки, делумно поради константната инфлација во делот на домувањето“, рече Михаел Фероти, главен американски економист во „JPMorganu Chase & Co“. Домувањето чини околу една третина од вкупната потрошувачка кошничка, а претставува уште поголем дел во индексот „CPI“.
Гувернерот на ФЕД, Кристофер Волер минатата недела рече дека ја следат инфлацијата и движењето на цените во домувањето за да може да ги одредат своите проценки за растот на цените во САД. Рече дека, за жал, инфлацијата во делот на домувањето веројатно ќе остане висока уште неколку месеци.
Bloomberg Mercury
Блумберг Економикс не очекува дека стапката на инфлација кај главните компоненти во домувањето ќе го достигне врвот пред да навлеземе длабоко во втората половина од следната година.
Но, дури и да се исклучат храната, енергијата и домувањето од пресметките, повторно стапката на инфлација останува висока и покажува раст од 6,4 отсто во август споредено со истиот месец претходната година.
„ФЕД не ги зголемува каматните стапки само затоа што инфлацијата кај трошоците за домување е висока, туку затоа што голем дел од потрошувачката кошничка поскапува многу побргу отколку што тие сакаат да биде“, вели Омаир Шариф, основач и претседател на „Inflation Insights“.
Тој очекува дека цените на половните автомобили во септември ќе паднат за 2 проценти. Од друга страна, трговците на мало најавуваат сеопфатно намалување на цените и распродажба, со цел да се намалат залихите, а силата на американскиот долар во споредба со другите валути веројатно ќе влијае на побарувачката од странство за американските производи.
Војната меѓу Русија и Украина продолжува да биде пречка за испораката на одредени производи, а цените на нафтата пораснаа откако Организацијата на земји извознички на нафта и нивните сојузници (ОПЕК+) минатата недела донесоа одлука за намалување на производството за 2 милиони барели на дневно ниво, со цел да ја регулираат цената на нафтата, која што бележеше континуиран пад.
Иако ова може да биде последен чекор до испишување од високата инфлација, централните банкари веројатно нема да бидат задоволни од забавувањето поттикнато од само неколку категории, смета Шариф, според кого ФЕД ќе очекува да види поголем пад на инфлацијата пред да ја олабави монетарната политика.
