Протестите низ светот поради правилата и бенефициите за пензионирање се зголемија повеќе од тројно оваа година, бидејќи земјите од Франција до Иран и Индија се борат со демографските промени и оптоварувањата што тие ги предизвикуваат на јавните финансии.
Франција го зазеде централното место со серија национални штрајкови и демонстрации, кои започнаа во јануари, против планот на претседателот Емануел Макрон да ја зголеми минималната возраст за пензионирање за две години, на 64 години. Имаше повеќе од 3.800 француски протести до април, според пресметките на „Блумберг“ засновани на објавените податоци од извештаите на локалните медиуми за немири низ светот. Тие бројки го достигнаа врвот во март, кога владата на Макрон ги преживеа гласањето за недоверба, чија цел беше да овозможи усвојување на нацрт-законот за пензиските реформи без целосно гласање во парламентот. Протестите продолжија на високо ниво и во април.
Глобални протести против пензиските реформи во 2023 година / Bloomberg Mercury
Прочитај повеќе
Туркаме кон изедначување на возраста за пензионирање за жени и мажи
Еден маж во Македонија е пензионер само нешто над седум години во просек.
12.05.2023
Се предвидува дека трошоците за државните пензии во развиените економии ќе се зголемат во наредните децении како удел во бруто-домашниот производ.
Додека Макрон тврди дека товарот мора да се заузди, некои земји ги омекнаа планираните реформи како резултат на социјалните реакции. Податоците од АКЛЕД (ACLED), кој ги класифицира немирите во категории од битки преку насилство врз граѓаните до немири и протести, покажуваат дека со светските демографски промени не се борат само западните земји. Вкупно 78 земји имаа медиумски извештаи за протести или немири поврзани со пензиските реформи оваа година.
Во меѓувреме француските синдикати повикаа на нови национални штрајкови и протести следниот вторник. Анкетата спроведена оваа недела покажа дека тие сè уште имаат мнозинска јавна поддршка, дури и ако поддршката опадна од својот врв.
.webp){kind=icon}
