Американската министерка за финансии Џенет Јелен изјави дека забавувањето на кинеската економија е ризик што може да предизвика бранувања во светската економија, иако таа не очекува рецесија во САД.
„Многу земји зависат од силниот кинески раст за да го промовираат растот на сопствените економии - особено земјите во Азија, а бавниот раст во Кина може да има некои негативни последици и за Соединетите Американски Држави“, рече Јелен во интервју за телевизијата „Блумберг“ во понеделникот, неколку часа по објавувањето на економските податоци за актуелната ситуација во Кина, кои се покажаа послаби од очекувањата. „Растот е забавен, но нашиот пазар на труд сè уште е доста силен. Не очекувам рецесија“.
Прочитајте повеќе: Кинеските акции во загуби, изостана очекуваниот економски раст
САД се „на добар пат“ да ја намалат инфлацијата без значително слабеење на пазарот на трудот.
Јелен зборуваше на маргините на состаноците со своите колеги од Групата 20 во Гандинагар, Индија. Во неделата таа рече дека градењето понатамошни односи врз основа на нејзината неодамнешна посета на Кина е една од нејзините цели. Таа исто така бара начин за отплата на долговите за посиромашните земји и реформи за мултилатералните развојни банки.
Економските настани во Кина речиси сигурно ќе се прелеат и во други земји
Bloomberg
Јелен во интервјуто рече дека Кина не успеала да се справи со нефер трговските практики што предизвикаа зголемување на американските царини. „Додека е во тек четиригодишната ревизија на тие тарифи, основните проблеми не се решени“, рече таа.
Шефицата на американското министерство за финансии исто така рече дека сите потези за ограничување на американските инвестиции насочени кон Кина ќе бидат со прецизна цел и ќе се засноваат исклучиво на прашањата за националната безбедност.
„Има добри шанси да продолжи контролата на излезните инвестиции“, рече таа.
Покрај присуството на состаноците на Г20 и сесијата со министрите за финансии на Групата седум, Јелен ја искористи посетата на Гандинагар за да одржи серија билатерални состаноци, вклучувајќи ги и оние со колеги од Индија, Турција и Европската Унија (ЕУ).
.webp){kind=icon}
