Кина веќе не е подготвена да ги засени САД како најголема светска економија во скоро време, и можеби никогаш нема да постигне конзистентен напредок за да го заземе првото место бидејќи падот на довербата на нацијата станува се посилен.
Тоа е според „Блумберг Економикс“, кој сега предвидува дека ќе бидат потребни 20 години за кинескиот бруто домашен производ да го надмине американскиот - па дури и тогаш тоа ќе се случи со „само мала разлика“ пред да „заостане“. Пред пандемијата, тие очекуваа Кина да ја заземе и задржи пол-позицијата веќе на почетокот на следната деценија.
„Кинескиот пат на раст стана побавен порано отколку што очекувавме“, напишаа економистите на „Блумберг“ во истражувачката белешка објавена денеска. „Закрепнувањето по КОВИД пропадна, како одраз на продлабочениот пад на пазарот со недвижностите и слабеењето на довербата во економското управување на Пекинг. Постои ризик слабата доверба да се вкорени - што ќе резултира со трајно одолговлекување на потенцијалот за раст“.
Bloomberg
Економистите сега гледаат дека растот на кинеската економија - втора по големина во светот - забавува на 3,5 отсто во 2030 година и на речиси еден отсто до 2050 година. Тоа е пониско од претходните проекции од 4,3 отсто и 1,6 отсто, соодветно.
Кинеската економија порасна за отсто отсто минатата година, што е една од најбавните стапки на раст во последните децении, бидејќи контролата на пандемијата и имотната криза ја погодија земјата. Нејзиното евентуално повторно отворање даде надеж дека економијата ќе закрепне оваа година.
Но, закрепнувањето ја загуби пареата бидејќи извозот паѓа и падот на пазарот со недвижностите се продлабочува. Услужниот сектор покажа намалување на активноста минатиот месец бидејќи луѓето се воздржуваа од трошење. Економистите анкетирани од „Блумберг“, исто така, ги намалија своите прогнози за раст за 2024 година под пет отсто.
Ревидираната перспектива доаѓа кога светот повторно размислува како да се вклучи со Кина која можеби се приближува на врвот на својата моќ, дури и ако не е во опаѓање.
САД и Групата седум сè повеќе гледаат докази за длабоко вкоренети структурни проблеми во Кина, гледајќи можности кои на крајот ќе го зајакнат Западот против слабеењето на геополитичкиот ривал, а истовремено земајќи ги предвид и брановите ефекти од забавувањето. Годинешните проблеми веќе ги тресат стоките и акциите.
Bloomberg
Земјата, исто така, се справува со подлабоки, долгорочни предизвици. Кина минатата година го забележа својот прв пад на населението од 1960-тите, што ја зголеми загриженоста за слабеењето на продуктивноста. Регулаторните активности, исто така, ја погодија довербата, како и геополитичките тензии со САД и другите западни влади.
Спротивно на тоа, САД се чини дека се во подобра форма отколку што предвидуваа многу економисти пред само неколку месеци. Силниот пазар на труд, силната потрошувачка и умерената инфлација ја поттикнаа довербата во способноста на економијата да избегне рецесија засега. Според Голдман (Goldman Sachs Group Inc.) САД сега имаат 15 отсто шанси да западнат во рецесија, што е намалување од претходните 20 отсто.
„Блумберг економикс“ проценува дека потенцијалниот раст на САД е 1,7 отсто во 2022-2023 година, со долгорочни прогнози кои покажуваат постепен пад до 1,5 отсто до 2050 година.
Економистите на „Блумберг“ велат дека оптимизмот за среднорочниот раст на Кина останува врз основа на „големината на економијата, значителниот простор да се трка со глобалните технолошки лидери и фокусираноста на владата на развојот“. Но забележале дека овие двигатели „работат со намалена моќност“.
.webp){kind=icon}
