.webp){kind=icon}
Минатата година Кина значително го зголеми увозот на компоненти потребни за производство на чипови во обид да се бори против американските мерки со кои Вашингтон се обидува да ја спречи да го развие овој сектор.
Увозот на опрема потребна за производство на компјутерски чипови скокна за 14 отсто во 2023 година и изнесува речиси 40 милијарди. Ова е нешто под претходната рекордна година, според податоците што „Блумберг“ ги следи од 2015 година. Растот на увозот на овие компоненти дојде и покрај падот на вкупниот увоз, што само покажува колкаво значење им придаваат кинеските власти на чиповите и дека земјата не е зависна од трговските партнери на ова поле.
Кинеските компании за чипови сè повеќе инвестираат во нови фабрики за полупроводници за да се обидат да го зајакнат производствениот капацитет на земјата и да ги заобиколат мерките за контрола на извозот наметнати од САД и нивните сојузници. Мерките им отежнуваат на кинеските компании да купат машини потребни за производство на најмоќните чипови и го забавуваат развојот на кинескиот високотехнолошки сектор, кој САД го сметаат за закана за националната безбедност.
Кинескиот увоз од Холандија се зголеми минатата година, пред воведувањето нови мерки за контрола на извозот, што дополнително ќе ја ограничи способноста на компаниите како СМИ (Semiconductor Manufacturing International Corp.) да ја набават најновата опрема.
Увоз по години
Bloomberg
Во декември увозот на опрема за литографија од Холандија скокна за речиси 1.000 отсто во однос на претходната година, на 1,1 милијарда долари, бидејќи компаниите побрзаа да купат што е можно повеќе пред ограничувањата што почнуваат овој месец.
Дури и пред да стапат во сила тие забрани, холандската компанија АСМЛ (ASML Holding NV) ги откажа испораките на некои од своите најнапредни машини во Кина по барање на американската влада, објави „Блумберг“ претходно овој месец. Испораките беа откажани иако до забраната за извоз остануваа уште неколку недели.
