Железната руда над 100 долари, има шпекулации за раст на побарувачката

Железната руда поскапува, а фјучерсите се вратија на над 100 долари за тон поради шпекулациите дека може да се зголеми побарувачката во Кина, земјата што е најголем производител на челик.

Фјучерсите скокнаа за повеќе од 6 отсто и еден тон се тргуваше за над 104 долари во Сингапур, враќајќи се од втората последователна неделна загуба, за време на која го достигнаа најниското ниво од мај минатата година. 

Побарувачката на челик од градежната индустрија и производството „имаат потенцијал за раст“ по субвенционираната поддршка, се наведува во белешката на „Чајна индастријал фјучрс“ (China Industrial Futures Co.) „Погоните исто така полека ги рестартираат високите печки по подобрувањето на профитот“.

Bloomberg Mercury

Основната суровина за производство на челик останува еден од главните производи со најлоши резултати во годината, со загуби што се предизвикани од постојаната загриженост дека долготрајната криза на пазарот на недвижности во Кина ќе ја намали побарувачката. Сепак, некои макроподатоци од најголемата азиска економија покажаа пораст неодамна, при што фабричката активност ги надмина очекувањата во март.

Железната руда во 16.24 часот се тргуваше за 6,3 отсто повисоко и стигна до 104,55 долари за тон во Сингапур, откако фјучерсите по цена на јуани во Далијан се затворија повисоко. Челичните договори во Шангај исто така забележаа раст.

Кина е најголемиот увозник на железна руда во светот, а нејзините погони го преземаат најголемиот дел од товарот на светскиот пазар преку море. Најголеми доставувачи се рударите во Австралија и во Бразил, вклучувајќи ги „Рио Тинто груп“ и „Вале СА“.

Во моментов нема коментари за веста. Биди прв да коментира...

Остави коментар