Јапонските акции денска паднаа, со што запре дводневниот раст, бидејќи зајакнатиот јен и наглото повлекување на американските акции ја намалија побарувачката за поризични средства.
Индексот Nikkei 225 падна за 0,7 отсто на затворањето во Токио, додека Topix се лизна за 1,1 отсто. Откако Nasdaq 100 падна повеќе од еден отсто, притисокот се прелеа на технолошките фирми, вклучувајќи ја и „Хитачи“ (Hitachi Ltd).
Извозниците исто така претрпеа удар откако јенот зајакна за 0,4 отсто во однос на доларот, искачувајќи се на 2,7 отсто месецов. Банките потонаа за 2,8 отсто, бидејќи приносите на долгорочните обврзници паднаа, откако продажбата на 30-годишни државни хартии од вредност солидно ја задоволи побарувачката.
S&P 500 ги избриша своите добивки во средата, откако распродажбата на американските обврзници ја нагласи кревкоста на пазарот.
Bloomberg Mercury
„Nikkei веќе некое време се оддалечува од американските индекси, но денеска тие се движат во тандем“, рече Масахиро Ичикава, главен стратег во „Сумитомо Мицуи“ (Sumitomo Mitsui DS Asset Management). „Со индексот тргуваа испаничени инвеститори, така што, и покрај движењата на американските пазари, преовлада желбата прво да се затворат позициите“, додаде тој.
И Nikkei 225 и Topix повратија речиси половина од своите загуби од крајот на јули, кога Банката на Јапонија (БоЈ) ја зголеми својата основна стапка и ги откри плановите за намалување на купувањето обврзници. Референтните показатели сега паднаа за повеќе од 15 отсто во однос на нивните рекорди постигнати минатиот месец, откако на 5 август се лизнаа на мечкиниот пазар. Тогаш загубите надминаа 20 проценти.
Порастот на Nikkei во изминатите два дена помогна да се намалат проекциите за нестабилноста, која на почетокот на неделата го достигна највисокото ниво од 2008 година. Прикажаните графикони сугерираат дека јапонската берза, можеби, се приближува до дното.
Bloomberg Mercury
Во вторникот Nikkei се тргуваше во опсегот меѓу најниските и највисоките цени во понеделникот. Во тргувањето со хартии од вредност тоа се нарекува шема на движење „харами“ (harami) и често е предвесник на пресврт по падот на вредноста.
.webp){kind=icon}
Во моментов нема коментари за веста. Биди прв да коментира...