.webp){kind=icon}
Базичната инфлација во САД забави четврти месец по ред (на годишно ниво) во јули, па Федералните резерви би можеле да ги намалат каматните стапки веќе следниот месец.
Индексот, кој ги исклучува нестабилните категории како храна и енергија од вкупната инфлација, во јули изнесуваше 3,2 отсто, што е најниско од почетокот на 2021 година. Цените во рамките на основната инфлација се зголемија за 0,2 отсто во текот на јули, што е малку побрзо од јунската стапка, што беше изненадување за аналитичарите.
Економистите најчесто ја опишуваат базичната инфлација како подобар показател за трендовите на потрошувачките цени од вкупната инфлација. Вкупната инфлација исто така забрза на 0,2 отсто на месечна основа, но растот на годишно ниво беше помал (2,9 отсто).
Bloomberg
„Со оглед на тоа што инфлацијата останува на подносливи 0,2 проценти и базичната инфлација забавува на 3,2 проценти, ФЕД може да ги намали стапките, а и натаму да има изговор дека реалните каматни стапки се сè уште високи. Ова му дава можност на ФЕД да ги намали каматните стапки, но и натаму да тврди дека монетарната политика е рестриктивна и помага да се заузди инфлацијата“, рече Брајс Доти, портфолио менаџер во „Сит инвестментс“.
По објавувањето на извештајот, дојде до краткорочен пад на пазарот на обврзници, но аналитичарите додаваат дека ФЕД ќе има други податоци пред себе на состанокот во септември.
Пазарите сега не сметаат на драстичен пад на каматните стапки во септември, така што засега изгледа дека шансите за намалување од 50 базични поени се помали од 50 проценти.
Покрај благиот пораст на приносите на обврзниците, пазарите не реагираа посериозно на извештајот за инфлација во раното тргување.
