Прагот за најниската плата што Американците би ја прифатиле на ново работно место се зголеми за 5,7 отсто во однос на минатата година, на 72.873 долари годишно во јули, според најновото истражување на пазарот на трудот спроведено од Федералните резерви (ФЕД) на Њујорк. Тоа укажува дека растот на цените навистина ги менува пресметките на работниците.
Најниското ниво на плата за кое би прифатиле работа, од почетокот на пандемијата е зголемено најмногу кај мажите и младите работници, според истражувањето кое њујоршкиот ФЕД го спроведува трипати годишно.
Инфлацијата, која е речиси на највисоко ниво во последните четири децении, ја намали куповната моќ на американските работници, а повеќето од нив забележаа пад на реалните приходи во текот на минатата година. Иако бројката на отворени работни места падна од рекордното ниво, сепак во јуни беа регистрирани 10,7 милиони отворени работни позиции, што им дава на работниците одредена моќ за преговарање. Дури 22 држави објавија дека нивната стапка на невработеност паднала под три отсто, што покажува колку всушност се намалува изборот на пазарот на трудот.
Bloomberg
Платите што би ги прифатиле Американците со помало образование, како и оние помлади од 45 години, се зголемени за повеќе од 23 отсто од март 2020 година, кога започна пандемијата, според истражувањето на ФЕД Њујорк.
Најновото истражување покажа и зголемена поделба по пол. Кај мажите платата на која би се согласиле се зголемила на 86.259 долари, додека кај жените се намалила на 59.543 долари.
Bloomberg
Исто така, анкетата покажала голема активност во барањето работа, 21,1 отсто од испитаниците добиле најмалку една деловна понуда во последните четири месеци, што е за 18,7 отсто повеќе од лани.
Истражувањето покажало и дека работниот век на американскиот работник е се пократок. Очекуваната веројатност дека ќе работат по 62-та година паднала на 48,8 отсто од 50,1 отсто претходната година, со што се продолжува трендот на намалување што започна во 2020 година.
.webp){kind=icon}