Азиските акции пораснаа во понеделникот, откако берзата во Њујорк почна да се подобрува во последниот час од тргувањето, бидејќи инвеститорите го променија својот став пред серијата одлуки на централните банки неделава, предводени од Федералните резерви (ФЕД).
Азиско-пацифичкиот индекс MSCI порасна за прв пат во шест дена, следен од технолошките акции во Хонгконг, каде референтниот индекс Ханг Сенг порасна за повеќе од 1 отсто. Јапонскиот Никеи 225 порасна за приближно истиот износ откако трговците се вратија од одморот. Раст забележаа и фјучерсите на S&P 500 и Nasdaq 100.
Приносите на 10-годишните државни записи се движеа близу 3,5 отсто, додека приносите на двегодишната стапка, која е почувствителна на монетарната политика, го достигнаа своето највисоко ниво од 2007 година и се блиску до достигнување повеќе од четири отсто поради стравувањата дека прекумерното затегнување на монетарните мерки ги зголемува шансите за посилно забавување.
Стравот дека прекумерното затегнување на монетарната политика ги зголемува шансите за посилно забавување најдобро се отсликува со порастот на приносот на двегодишната обврзница / Bloomberg
Инвеститорите се нервозни додека ги чекаат одлуките за потенцијално големи зголемувања на каматните стапки во САД, Велика Британија и Шведска. Одлуки треба да се донесат и во Јапонија, Швајцарија, Индонезија, Норвешка и на Филипините.
Доларот малку ослабе и е под највисоките нивоа што ги достигна неодамна, додека јенот се држи под клучното ниво од 145. Јуанот е слаб, за еден долар се потребни седум јуани.
Трговците се убедени дека ФЕД ќе ги зголеми каматните стапки за 75 базични поени в среда, а се очекува тие да достигнат повеќе од 4 отсто и привремено да застанат на тоа ниво. Стратегијата на долго држење е вкоренета во идејата дека централната банка ќе ја избегне катастрофалната „stop-go“ политика од 1970-тите, која придонесе инфлацијата да излезе од контрола.
4,5 отсто
„Свесни сме дека по овонеделното зголемување, стапките на фондовите ќе бидат удобно сместени во 'рестриктивна територија'“, напиша Кевин Каминс, главен американски економист во NatWest Markets. „Се чини разумно функционерите да продолжат да грешат правејќи премногу, а не премалку и да продолжат да ја потиснуваат инфлацијата колку што е можно повеќе додека таа е во почетна фаза“, додава тој.
Договорите за размена кои ги предвидуваат стапките во следните две години сега се на околу 4,5 отсто, ниво за кое се проценува дека ќе го достигнат до март 2023 година. Тоа е цел поен повеќе од очекуваното по последниот состанок во јули.
Аналитичарите на JP Morgan Chase & Co. проценуваат дека ФЕД на почетокот на следната година ќе ги зголеми каматните стапки на 4,25 отсто.
„Очекуваме затегнување од централната банка, намалување на притисоците во синџирите на снабдување, умерен раст на вработеноста и таканаречена базична инфлација. Ова треба да им овозможи на ФЕД и другите централни банки да направат привремена пауза во првата половина на 2023 година“, според аналитичарите меѓу кои и Марко Колановиќ и Николаос Панигирцоглу.
.webp){kind=icon}
