Акциите паѓаат додека приносите растат со каматните стапки

Азиските акции влегоа во шестата недела на пад следејќи ја динамиката на американските акции кои исто така паѓаат, додека приносите на државните обврзници растат, што сигнализира дека се очекува дополнително заострување на монетарната политика и забавување на глобалната економија.

Акциите во петокот паднаа во Хонгконг, Австралија и Јужна Кореја, откако S&P 500 го затвори денот на најниско ниво од јуни. Фјучерсите во САД флуктуираа.

Додека инвеститорите го проценуваа ризикот од рецесија, приносот на 10-годишните државни обврзници во четвртокот скокна за 18 базични поени на 3,7 отсто, што е највисок резултат во последната деценија. Приносите во Азија се зголемија, предводени од скокот од над 20 базични поени во Австралија, каде што тргувањето продолжи по празник.

Пазарите во Јапонија беа затворени поради Денот на есенската рамноденица.

Доларот се задржа близу рекордно високо ниво еден ден по драматичните потези на валутните пазари кога Јапонија интервенираше за прв пат по 1998 година за да го поддржи ослабениот јен. Јуанот ослабе поради напорите да се забави депресијацијата, а Народната банка на Кина постави повисок референ курс 22-ри ден по ред.

Нестабилноста на FX индексoт е поголема од нестабилноста на акциите / Bloomberg

Интервенцијата на Јапонија не ја реши основната причина за слабоста на јенот - зголемениот јаз меѓу јапонската ултра лабава монетарна политика и зголемувањето на каматните стапки на други места. Тоа е она што ја прави валутата ранлива.

И акциите во САД на затворањето на тргувањето во четвртокот главно беа во пад, додека приносите на обврзниците значително зајакнаа.

Dow Jones Industrial Average ослабе за 0,36 отсто. Nasdaq 100 забележа пад од 1,17 отсто, а меѓу компаниите со најлоши резултати се Airbnb, Lucid Group, Advanced Micro Devices, Charter Communications, Marriott International, Nvidia.

Американската сурова нафта West Texas Intermediate (WTI) се тргуваше за 83,51 долари за барел, што е раст од 0,69 отсто.

Индексот Bloomberg Dollar Spot забележа пораст од 0,51 отсто околу 22 часот, а приносите на десетгодишните американски обврзници се зголемија за речиси два базични поенa, на 3,702 отсто. Ова е највисоко ниво од февруари 2011 година.

Зголемувањето на стапките што стапи на сила во Обединетото Кралство, Швајцарија и Норвешка, заедно со зголемувањата во четвртокот на Филипините, Индонезија и Тајван, веројатно ќе го намалат расположението на регионалните пазари.

Банката на федерални резерви во САД го даде досега најјасниот сигнал дека е подготвена да толерира рецесија како неопходна компензација за повторно воспоставување контрола врз инфлацијата, а официјалните лица предвидуваат дополнителни 1,25 процентни поени заострување до крајот на годината.

„Гледаме дека последното зголемување на каматните стапки, кое е поголемо и има намера да се задржи подолго, е поврзано со значително поголема веројатност за забрзано забавување и поради тоа не само што е недвосмислено опасно, туку и недвосмислено лошо за ризик“, вели Кришна Гуха, потпретседател на Evercore ISI.

Во моментов нема коментари за веста. Биди прв да коментира...

Остави коментар