.webp){kind=icon}
Се врати црвенилото на светските берзи. Акциите во Азија паднаа, како и фјучерсите во Соединетите Американски Држави (САД), кои што загубија од својата вредност поради слабото тргување во пресрет на клучниот месечен извештај за платите во САД.
Индексот „S&P 500“ утрово падна за 1 процент, а индексот „Nasdaq“ загуби 0,8 отсто од вредноста. Црвенилото е присутно и кај другите поголеми индекси на светските берзи.
Разочарувачката заработка на производителите на чипови влијаеше на општото расположение на инвеститорите. Индексот „MSCI Asia Pacific“, кој што ја отсликува довербата на потрошувачите, утрово падна за 1 процент и е на пат да ја прекине тридневната позитивна низа.
Технолошките акции во Хонгконг го предводат падот откако „Advanced Micro Devices Inc.“ и „Samsung Electronics Co.“ изјавестија за заработка помала од проценките на аналитичарите. Акциите и во САД и во Европа паднаа.
Доларот се тргуваше повеќе отколку останатите главни валути, додека јуанот загуби од вредноста откако Кина објави дека нивните девизни резерви паднаа на најниско ниво од 2017 година. Ослабна и јапонскиот јен во однос на доларот, додека инвеститорите ја тестираат толеранцијата на властите кон депрецијацијата на валутата.
USDJPY:CUR
USD
144,87 JPY
почетна цена
145,14
претходна цена на затворање
145,14
промена од почетокот на годината
25,9906%
дневен опсег
0,00 - 0,00
опсег на 52 недели
111,51 - 145,90
Обврзниците варираат со својата вредност.
Се предвидува дека денешниот извештај за вработување во САД ќе покаже дека работодавачите во септември вработиле 255.000 работници. Тоа би бил најмал број на нови работни места во еден месец од падот во време на пандемијата во 2020 година.
Ваквите прогнози доаѓаат паралелно со острите коментари на банкарите од американските Федерални резерви (ФЕД). Претседателот на ФЕД во Чикаго, Чарлс Еванс, рече дека референтната каматна стапка веројатно ќе стигне до ниво од 4,5 до 4,75 проценти до идната пролет, а Нил Кашкари од ФЕД-Минеаполис рече дека централната банка е прилично далеку од паузирање на зголемувањето на каматите.
„Тоа што навистина треба да се случи е да се зголеми производството во САД за да имаме подобри економски бројки“, рече Мериан Ментањ, управителка на портфолија во „Gradient Investmentsu“ во разговор за Блумберг Радио.
