Акциите продолжија со заздравување, а исто и главните валути во однос на доларот, откако „S&P 500“ го затвори тргувањето над клучното ниво и со тоа го намали притисокот врз пазарите. Растот на „S&P 500“ утрово е 1,8 проценти, додека вчерашното тргување го заврши со раст од 2,7 отсто. Индексот „Nasdaq 100“ доби дури 3,5 проценти на својата вредност.
Индексите на азиски пазари пораснаа за околу 1 отсто, а предводени од технолошките акции во Хонгконг. Акциите на кинескиот производител на електрични возила „BYD Co“ скокнаа за повеќе од 6 проценти поради очекуваниот пораст на добивката во третиот квартал.
Показателот на Блумберг за вредноста на доларот падна веќе втор ден по ред, додека фунтата зајакна по извештајот на „Financial Times“ дека британската централна банка веројатно ќе ја одложи продажбата на државните обврзници за да поттикне поголема стабилност на пазарот.
Кинеските обврзници, кои се изразени во долари, паднаа на рекордно ниско ниво бидејќи кризата со недвижнините, предизвикана од сузбивањето на прекумерното задолжување и падот на продажбата на куќите, покажуваат мали сигнали за пресврт. Одлуката на Кина да ја одложи објавата на клучните економски податоци, вклучувајќи го и бруто домашниот производ за третиот квартал, би можела да внесе доза на внимателност во тргувањето во регионот. Конгресот на Комунистичката партија понуди неколку знаци за попуштање на кинеската нулта Ковид политика, како и политиката за пазарот на недвижнини, што ја оптеретуваат економијата.
Бројките го нагласуваат ризикот на пазарите од постојано високи потрошувачки цени дури и во земјите кои се лидери во заострувањето на монетарната политика. Најновите модели за веројатноста од рецесија во САД, кои ги изработија економистите на Блумберг Ана Вонг и Елиза Вингер предвидуваат поголема, односно 100-процентна можност за рецесија во сите временски рамки, до ноември 2023 година. Тоа е значаен скок во однос на претходните 65 отсто од веројатноста.
.webp){kind=icon}
