Стратезите на „Goldman Sachs Group Inc“ рекоа дека уште нема видливи услови за пад на американските акции со оглед на тоа дека овој вид средства не го одразуваат во целост најновиот пораст на реалните приноси и изгледите за рецесија.
„Проценките се дека акциите во САД уште не нудат историско голема премија во однос на реалниот поврат на понудата од обврзници и готовина“, напишаа стратезите, вклучувајќи ја Камакшија Триведи. „Може да дојде до значајно негативни ефекти ако се случи подлабока рецесија или се зајакнат геополитичките ризици во Украина или на друго место“, пишува во нивната анализа.
Ниту еден од американските средства кои ги следи Голдман не ги утврдува во целост цените во рецесија, при што акциите се земаат предвид со најниските прогнози за „тешки јастребски сценарија“, пишуваат стратезите. Нивниот став се разликува од мислењето на колегите од „Citigroup Inc“ и „JPMorgan Chase & Co“, кои велат дека падот на пазарите е последица од рецесијата која надоаѓа. Во случај на сериозен економски пад, тимот на Голдман рече дека очекува индексот „S&P 500“ да падне на 2.888 бодови, што ќе претставува загуба од 25 отсто на вредноста во однос на моменталното ниво.
Bloomberg Mercury
Претпазливоста на стратезите од Голдман доаѓа во момент кога пазарот уште еднаш се обидува да го пронајде тлото. Индексот „S&P 500“ порасна за 8 проценти од 12 октомври, кога го запиша најниското ниво од ноември 2020 година. Трговците се малку расположени кон државните обврзници бидејќи се штитат од ниски приноси, градат долги позиции во портфолијата и ги намалуваат облозите на агресивно покачување на каматните стапки од страна на американските Федерални резерви (ФЕД).
Истражувањето на Блумберг, главно меѓу економистите од Вол Стрит, наведува дека веројатноста за рецесија во следната година е 60 отсто, што е повеќе од пред еден месец, кога тогашната анкета покажа можност за рецесија од 50 проценти.
Заострувањето на монетарната политика од страна на ФЕД во САД, со цел да се заузда инфлацијата ја втурна оваа напредна економија во турбулентна зона, при што „S&P 500“ годинава загуби 19 проценти од вредноста. Во меѓувреме, во истиот тој период приносите од 10-годишните обврзници пораснаа за повеќе од 250 базични бодови. Акциите и кредитите ќе бидат посебно ранливи ако дојде рецесија, напишаа Тривенди и нејзините колеги.
.webp){kind=icon}
