.webp){kind=icon}
Азиските акции го следат растот на берзите во САД од петокот и го шират оптимизмот и оваа недела во врска со корпоративните финансиски извештаи, кои покажуваат заработка на најголем дел од компаниите.
Индексите на азиските акции пораснаа денеска, четврти пат во последните пет дена. Извештајот за заработка на компанијата „Епл“ (Apple Inc) во петокот ги поттикна технолошките акции, помагајќи им на тој начин на индексите S&P 500 и Nasdaq 100 да ја забележат најдолгата низа на раст од август. Технолошките акции во Хонгконг скокнаа, а добивките се видливи од Јапонија до Австралија.
Конкретно, индексот S&P 500 порасна за 2,5 проценти, додека индексот Nasdaq доби дури 3,2 отсто на својата вредност во понеделничкото тргување на азиските берзи. И другите поголеми азиски индекси пораснаа за околу еден отсто.
Американските термински договори ги намалија загубите. Јенот падна во однос на поголемиот дел од своите конкурентни валути, а економистите очекуваат дека американските Федерални резерви (ФЕД) ќе ја подигнат каматната стапка за уште 75 базични бодови, зголемувајќи ги разликите во политиката со јапонската централна банка.
Доларот порасна, додека трговците се подготвуваат за уште едно големо покачување на каматните стапки од страна на ФЕД во текот на оваа недела.
USDEUR:CUR
USD
1,0059 EUR
почетна цена
1,0047
претходна цена на затворање
1,0035
промена од почетокот на годината
14,3068%
дневен опсег
0,00 - 0,00
опсег на 52 недели
0,86 - 1,05
Основниот показател на американската инфлација забрза во септември, поткрепувајќи ги аргументите за дополнително заострување на монетарната политика.
Во меѓувреме, цената на пченицата скокна откако Русија се одрече од клучниот договор со кој допушти испорака на украинската стока преку товарните бродови.
Bloomberg Mercury
Приносот од десетгодишните обврзници се движи на околу четири отсто, откако во петокот порасна за девет базични бодови. Приносите во Австралија малку се променија, во пресрет на утрешната одлука на тамошната централна банка.
Економистите што ги анкетира „Блумберг“ очекуваат дека надлежните од ФЕД ќе се задржат на својот остар став, поставувајќи темели за каматната стапка да достигне околу 5 отсто до март 2023 година, што потенцијално може да ја доведе американската, но и светската економија во рецесија.
