Акциите потонаа пред објавата на податоците за вработување во САД, поради загриженоста дека може да дојде до подлабока рецесија, а Федералните резерви (ФЕД) подолго ќе ги задржат високите каматни стапки за да ја скротат инфлацијата.
Индексот S&P 500 падна за еден отсто, додека Nasdaq 100 загуби 1,9 процент од вредноста. Во негативните резултати не заостана ниту индексот Dow Jones Industrial Average, чиј пад е 0,5 проценти.
Индексот S&P 500 го забележа својот четврти пад, повлечен од големите технолошки акции, додека приносите на трезорските обврзници растат. „Епл“ падна за речиси четири проценти, а „Амазон“ го претрпе најдлабокиот пад од 2019 година.
Добрите бројки од пазарот на трудот го потврдуваат тоа што претседателот на ФЕД, Џереми Пауел, го опишува како „вжештен“ пазар.
„Инвеститорите на пазарот повеќе се загрижени од конечното ниво на каматните стапки, отколку од темпото на заострување“, смета Марк Хефел, главен директор за инвестиции во „УБС глобал велт менаџмент“ (UBS Global Wealth Management), кој не верува дека постојат услови за да се одржи растот на акциите.
„Се чини дека ФЕД заедно со другите големи централни банки ќе продолжи со намалување на стапките до првиот квартал од 2023 година“, вели Хефел. „Економскиот раст веројатно ќе продолжи да забавува до почетокот од новата година, а светскиот финансиски пазар е чувствителен на стрес, додека монетарната политика продолжува да се заострува“, додава Хефел.
Фунтата падна поради тоа што британската централна банка им кажа на инвеститорите да ги заострат очекувањата за зголемување на каматите.
Претседателката на ЕЦБ, Кристина Легард, предупреди дека е можна блага рецесија, но дека таа сама по себе не би била доволна за запирање на растот на цените.
.webp){kind=icon}
Во моментов нема коментари за веста. Биди прв да коментира...