Азиските берзи ослабеа откако претходно паднаа и американските акции, а криптовалутите го прекинаа остриот пад, што ја намали посветеноста на ризик во пресрет на клучните податоци за инфлацијата, кои треба да бидат објавени денеска.
Акциите во Јапонија, Кина и Австралија паднаа. Фјучерсите на американските акции малку пораснаа откако индексот S&P 500 вчера падна и го прекина тридневниот раст.
Конкретно, индексот S&P 500 падна за 2,1 отсто, а Nasdaq 100 за 2,4 проценти. Азиските индекси се поплитко во црвената зона.
Вредноста на доларот вчера порасна, а паѓа приносот на обврзниците. Биткоинот се качи над 16.000 долари, откако вчера падна на најниското ниво од март 2020 година, бидејќи „Бајненс“ се откажа од плановите за преземање на берзата ФТХ (FTX.com), која би можела да се соочи со банкрот. Тоа ги оптовари компаниите поврзани со криптовалути во целиот регион по сличните падови во САД.
Bloomberg Mercury
Американските избирачи донесоа мешана оценка за изборите. Републиканците тргнаа кон воспоставување контрола на Претставничкиот дом, додека трката за Сенатот продолжи.
„Поделениот Конгрес веројатно би ги блокирал натамошните храбри фискални потези. Меѓутоа, за пазарот политиката на Федералните резерви, а не фискалната политика, ќе остане главен двигател“, рече Нарк Хефил, главен извршен директор за инвестиции во „УБС глобал велт менаџмент“ (UBS Global Wealth Management).
Октомвриските податоци за инфлацијата ќе понудат правец за политиките на Федералните резерви. Аналитичарите од „ЈП Морган Чејс“ (JPMorgan Chase & Co.) велат дека жешките бројки може да доведат до пад на американските акции за шест проценти.
Нафтата се тргуваше стабилно по најлошиот ден во последниот месец поради растот на резервите во САД, а избувнувањето на ковид во Кина претставува закана за растот на тамошната економија.
.webp){kind=icon}
