.webp){kind=icon}
Индексот на акциите во светот утрово продолжи со падот и се движи кон втора неделна загуба по ред поради предупредувањата од банкарите од централните банки дека каматните стапки подолго ќе останат високи.
Референтната вредност на азиските акции би требало да го заврши шестнеделниот раст, при што јапонските акции го предводат денешниот пад, додека кинеските акции осцилираа. Американските термински договори само малку се намалија по вчерашната голема загуба на индексите S&P 500 и Nasdaq 100, додека договорите за европските акции реализираа мал напредок.
Инвеститорите што се обложуваат на пад на каматните стапки во 2023 година беа разочарани од овонеделниот тон на претседателот на американските Федерални резерви (ФЕД), Џереми Пауел, и неговата европска колешка Кристин Легард. И двајцата ги зацврстија своите позиции да останат истрајни во борбата против инфлацијата.
Доларот благо ослабна во однос на поголемиот дел од своите конкурентни на валутниот пазар, по што мерачот на неговата сила вчера порасна најмногу од септември. Приносите од американските државни обврзници благо пораснаа.
Легард вчера имаше силно влијание на пазарот кога рече дека секој што мисли дека ова е стожер на ЕЦБ, не е во право. Краткорочните германски приноси скокнаа на највисоко ниво од 2008 година, а европските акции потонаа најмногу од мај. Таквото чувство се пренесе и на пазарите во САД и Азија.
Трговците се обидуваа и да ги апсорбираат лошите податоци за малопродажбата и производството во САД, иако пазарот на работна сила остана силен. Барем мало омекнување на пазарот на работна сила останува голема цел на ФЕД.
Марк Франклин, виш раководител на портфолија за повеќе средства во „Манулајф инвестмент менаџмент“ (Manulife Investment Management), вели дека инвеститорите би можеле да тврдат дека премиите за пазарниот ризик уште се прениски, имајќи ги на ум пораките што оваа недела стигнуваат од ЕЦБ.
„Постојат изгледи за натамошна нестабилност на пазарот на акции во текот на следните месеци. Но, во исто време, ако податоците за инфлацијата се намалат, немојте да се изненадите ако тонот на пораките се промени на состаноците во почетокот од следната година“, рече тој за Блумберг ТВ.
