Цената на нафтата расте по забавената стапка на инфлација во САД

Цените на нафтата продолжија да растат, бидејќи забавувањето на инфлацијата во САД наговестува дека можен крај на циклусот на зголемување на каматните стапки, што може да ја зголеми побарувачката. Фјучерсите за „Вест Тексас Интермедите“ (West Texas Intermediate) пораснаа на околу 76 долари за барел откако во средата имаа раст од  1,2 отсто. Индексот на потрошувачките цени во САД паднаа на најниско ниво во повеќе од две години, а доларот ослабе. Ова го засени растот на залихите на сурова нафта во САД за речиси шест милиони барели, што е најголем скок во последните четири недели.

Меѓународната агенција за енергетика и ОПЕК се очекува да ги објават извештајите кои ќе дадат подобра слика за нафтениот пазар, иако според најавите во втората половина од годината, се очекува да се намали производството на нафта и ќе го затегне пазарот со што ќе се зголемат цените. Нафтата Брент во средата на лондонските берзи чинеше 80 долари првпат по месец април.  

Bloomberg Mercury

 

Цената на нафтата благо падна од почетокот на годината, делумно поради слабото закрепнување во Кина, но ОПЕК + Саудиска Арабија и Русија ветија дека ќе ја намалат понудата за да го поттикнат пазарот. Водечката руска нафта „Урал“ го прекрши ценовниот плафон поставен од Групата седум (Г7), што е може да се толкува како економска победа за Москва.

Цените на суровата нафта се уште имаат „извесен простор да се движат во нагорна линија бидејќи односот понуда-побарувачка ќе се затегне кон крајот на годината“, рече Вивек Дар, директор за истражување на рударството и енергијата на банката во Австралија  „Комонвелт“(Commonwealth).

 

 

Увозот на сурова нафта во Кина минатиот месец скокна на највисоко ниво во последните три години, иако трговските податоци сигнализираа поголемо економско забавување. Зголемувањето на откупот доаѓа откако рафинериите се повторно во функција и независните преработувачи добија повисоки увозни квоти.