text size
„Арм“ (Arm Holdings Plc) се искачи за 25 отсто во своето трговско деби, откако собра 4,87 милијарди долари во најголемата иницијална јавна понуда во годината, давајќи поттик и за пазарите на акции и за основачот на „Софтбанк“ (SoftBank Group Corp.), Масајоши Сон.
Акциите на дизајнерот на чипови, кои сè уште се во 90 отсто сопственост на „Софтбанк“, затворија на 63,59 долари на тргувањето во Њујорк во четвртокот, што му дава на „Арм“ пазарна вредност од повеќе од 65 милијарди долари. Вклучувајќи ги и ограничените единици на акции, целосното вреднување на „Арм“ е поблиску до 68 милијарди долари.
„Арм“ во средата продаде 95,5 милиони американски депозитарни акции на врвот на пазарниот опсег, со поединечна цена од 47 до 51 долар. Акциите отворија на тргувањето во четвртокот по цена од 56,10 долари и поскапеа дури 30 отсто.
Прочитај повеќе
„Арм“ поднесе барање за најголемата ИПО во САД за оваа година
„Арм холдингс“ на компанијата „Софтбанк“ направи чекор кон она што треба да стане најголема американска иницијална јавна понуда годинава.
22.08.2023
Дебито е и натамошно етаблирање за Сон, претседател и главен извршен директор на „Софтбанк“. На последниот состанок во средата, некои банкари и директори се изјаснија за цени на акциите над пазарниот опсег, но Сон рече дека не вреди да се ризикува здраво деби за 100 милиони долари или нешто повеќе од дополнителни приходи, објави „Блумберг њуз“. Со добивките во четвртокот, вредноста на уделот на „Софтбанк“ се зголеми за околу 12 милијарди долари.
Акциите на „Софтбанк“ пораснаа дури за 5,1 отсто за време на тргувањето во раните утрински часови во Токио во петокот, со нивна најголема дневна добивка во последните три месеци.
Инвеститорите во иницијалната јавна понуда (ИПО) вклучуваат некои од најголемите клиенти на „Арм“. Компанијата издвои повеќе од 700 милиони долари од своите акции за „Интел“ (Intel Corp.), „Епл“ (Apple Inc.), „Енвидија“ (Nvidia Corp.), „Самсунг“ (Samsung Electronics Co.) и ТСМ (Taiwan Semiconductor Manufacturing Co).
Котизацијата на „Арм“ е најголема во САД по понудата од 13,7 милијарди долари на производителот на електрични возила „Ривијан“ (Rivian Automotive Inc.) во октомври 2021 година. Понудата исто така е и меѓу најголемите во технолошката индустрија, иако и натаму е зад 25 милијарди долари на „Алибаба“ (Alibaba Group Holding Ltd.) во 2014 година и дебито од 16 милијарди долари во 2012 година на „Мета“ (Meta Platforms Inc.), тогаш позната како „Фејсбук“ (Facebook Inc).
ИПО-катализатор
Дебито на „Арм“ може да послужи како катализатор за ИПО од десетици технолошки стартапи и други компании чии планови да излезат на берзата во САД беа заглавени за време на најдлабоките и најдолгите котирања од финансиската криза во 2009 година.
Фирмата за онлајн испорака на намирници „Инстакарт“ (Instacart Inc.) и провајдерот за маркетинг и автоматизација на податоци „Клавијо“ (Klaviyo) треба да ги објават своите понуди следната недела. Интернет-стартапот ВНГ (VNG Ltd.) со седиште во Виетнам и производителот на обувки „Биркенсток“ (Birkenstock Holding Ltd.) исто така се меѓу оние што поднесоа барање за објавување на берзата.
„Ова е само почеток на циклусот и 'Арм' е одличен знак за она што следува“, рече Рос Гербер, коосновач и извршен директор на фирмата за управување со богатство „Гербер Кавасаки“ (Gerber Kawasaki Inc). „Цените се голем дел од тоа, а 'Софтбанк' постапи паметно за да ги постави на ниво на кое предизвикаа интерес и привлекоа инвеститори“.
.webp){kind=icon}
