Биткоинот годинава загуби повеќе од половина од својата вредност, а сепак распродажбата можеби уште не е готова. „КриптоКомпеар“ (CryptoCompare), истражувач на дигиталните валути, кој укажа на низа движења на индексите и историските податоци, вклучувајќи максимално повлекување на токените на минатите мечкини пазари, како и нивната моментална несигурност, смета дека уште не е достигнато дното.
„Претходните мечкини пазари, кои започнаа во 2013 и 2017 година, сугерираат дека е можно да доживееме уште подлабок пад“, напишаа аналитичарите од „КриптоКомпеар“ во денешниот извештај.
Најголемиот светски дигитален токен во тие два случаја забележа пад од 83 отсто и 87 отсто, што траеше 364, односно 406 сесии на тргување. Овој пат, биткоинот падна за 73 проценти во 357 дена на тргување, заклучно со крајот на октомври, што значи дека падот не беше толку акутен во смисла на временската рамка и сериозноста како во претходните примери. Тоа остава простор 2022 година да стане најлоша во историјата на биткоинот, напишаа аналитичарите.
Прочитај повеќе
Само на едно место во Македонија се плаќа со крипто на самото место
Со криптовалути се пазари преку интернет од повеќе трговци кај нас, но физички само на едно место.
03.11.2022
Михајлов: Ако паѓаат берзите, ќе паѓа и криптопазарот
Криптопазарот порано не ги следеше општите економски трендови, но сега ги следи, бидејќи на некој начин е интегриран во секојдневието, вели Мартин Михајлов за Блумберг Адрија ТВ.
03.11.2022
Bloomberg Mercury
Во меѓувреме, во текот на последниот мечкин пазар, просечната годишна волатилност за биткоинот беше 79 проценти. Таа мерка во моментов се движи околу 63 проценти.
„Во контекст на моменталниот пазар, веруваме дека е можно да се случи висок стрес во традиционалниот финансиски систем, кој би предизвикал притисок на страната на продажбата кај главните средства, што би довело до скок на волатилноста и потенцијално повлекување надолу“, велат од „КриптоКомпеар“.
Bloomberg Mercury
Додека овој вид ризични средства оваа година одат кон пропаст поради тоа што централните банки низ светот ги зголемуваат каматните стапки за да ја намалат инфлацијата, криптовалутите се особено тешко погодени. Биткоинот се движи околу 20.000 долари, далеку од својата највисока вредност во 2021 година, кога беше на вредносно ниво од околу 69.000 долари. Етериумот и другите криптовалути исто така паднаа.
Bloomberg Mercury
Меѓутоа, „КриптоКомпеар“ истакнува дека количествата на распродадени средства не се толкави колку што беа во периодот што започна во 2017 година, кога паднаа за повеќе од 60 проценти од највисоката до најниската точка на вредност. Во 2022 година паднаа за 35 проценти во однос на својот највисок износ од минатата година. „Тоа укажува дека можеби нѐ чека поголем пад на активностите“, се забележува во извештајот.
.webp){kind=icon}
