Централните банкари се обидуваат да ги балансираат можностите што ги нудат криптовалутите имајќи го предвид ризикот дека бавниот напредок во нивното регулирање може да значи повеќе загуби за потрошувачите.
Шефовите на Банката на Австралија, Швајцарската национална банка и Монетарната управа на Хонгконг признаа за големи неизвесности за иднината на дигиталните валути, но ја поздравија технологијата додека зборуваа на панел на маргините на финансиските состаноци на Групата 20 во Бали, Индонезија.
„Приватно поддржаните пари може да функционираат некое време, но обично завршуваат со катастрофа“, вели гувернерот на Банката на Австралија (RBA), Филип Лоу.
„Периодите на иновација имаат тенденција да се поврзуваат со периоди на шпекулативно однесување, бидејќи луѓето се плашат од пропуштени шанси. Централната банка не сака да издава дигитални валути за малопродажниот пазар, но ја разгледува опцијата за големопродажба за подобрување на бруто порамнувањето во реално време“, рече тој.
Bloomberg
Дигиталните финансии се наведен приоритет за шефовите за финансии на Г-20. Во однос на криптовалутите, креаторите на политики во голема мерка задржаа претпазлив тон бидејќи падот на вредноста на Terra и другите ја изложи кревкоста на пазарите и покрена прашања за тоа како да се регулираат.
„Потребен ни е глобално координиран пристап со цел регулативата да биде ефективна“, вели Еди Ју, главен извршен директор на Монетарната управа на Хонгкионг.
„Треба да ги регулираме платформите за децентрализирано финансирање (DeFi) порано отколку подоцна. Прашањето е како“, додава тој.
Меѓу прашањата што тој сака да се разгледаат во врска со дигиталните валути на централните банки (CBDC) се како да се обезбеди доволна ликвидност и како да се поттикнат банките и бизнисите да се префрлат од потрадиционалните платформи.
Шефовите на централните банки ги наведоа прашањата за спречување на перење пари, приватноста на податоците и ефектите врз пошироката финансиска стабилност како приоритети за регулирање на криптовалутите, нагласувајќи дека токените заслужуваат поинаков пристап од традиционалните пари.
„Основниот предизвик во регулирањето на крипто е во неговата природа дека, всушност, криптото е замислено да ги поткопа централните банки“, рече Тобијас Адријан, директор на одделот за монетарни и капитални пазари во Меѓународниот монетарен фонд.
„Не постои пристап по принципот една големина одговара за сите кога се во прашање CBDC“, додаде тој.
.webp){kind=icon}
