text size
Доларот ја забележа својата најголема добивка во последните три недели, носејќи го на највисокото ниво во однос на другите главни валути од декември, бидејќи очекувањата дека Федералните резерви ќе ги задржат високите каматни стапки во следната година, привлекоа пари во САД.
Индексот на Bloomberg Dollar Spot Index зајакна за 0,4 отсто за време на понеделничкото тргување во Њујорк, потиснувајќи го над највисокото ниво од претходната година. Јенот падна на најниско ниво во однос на американската валута од октомври, еврото падна за дури 0,7 отсто на најниското ниво од март, а швајцарскиот франк го достигна најслабото ниво од мај.
Bloomberg
Растот на доларот, неговата четврта по ред дневна добивка, беше поттикнат од индикациите на ФЕД минатата недела дека планира да ги задржи стапките на чекање бидејќи изненадувачката сила на економијата ја прави инфлацијата најголема грижа на централната банка. Ова ја истакнува разликата помеѓу САД и земјите низ светот каде растот паѓа под тежината на построгата монетарна политика.
„Во американскиот долар има само голем оптимизам“, изјави Естер Рајхелт, девизен стратег во „Комерзбанк“ (Commerzbank AG) во Франкфурт, за телевизијата „Блумберг“. „Тоа го поткрепува ставот на ФЕД, кој во суштина рече дека дури и да видиме заладување на економската динамика, тоа не влијае во голема мера на пазарот на трудот.
Bloomberg
Доларот беше поддржан од порастот на приносите на обврзниците што започна по состанокот на Фед на 20 септември, што ги охрабри инвеститорите да ги префрлат парите во САД.
Во понеделникот, приносите на 10-годишните и 30-годишните обврзници се искачија на повеќегодишните највисоки нивоа, бидејќи трговците ја рекалибрираа патеката на Фед откако посочи дека е малку веројатно да ја олесни монетарната политика следната година за онолку колку што пазарите претходно очекуваа.
„Централните банки беа во голема мера конзистентни во своите пораки - дека во основа се на или блиску до врвните стапки“, рече Бипан Раи, глобален шеф за девизна стратегија во „ЦИБЦ“ (CIBC) во Торонто. Но, рече тој, економијата на САД не е погодена ни приближно толку силно како другите земји каде хипотеките со прилагодлива стапка ги притиснаа домаќинствата.
.webp){kind=icon}
