text size
Балканскиот регион, а со него и домашната економија, има потреба од развој на секундарниот финансиски пазар за трансакции со нефункционални пласмани, односно пазарот за пренос на достасани побарувања, особено преносот на нефункционални побарувања од банкарскиот сектор кон специјализираните компании што инвестираат во оваа област, вели Катерина Бошевска, генерална директорка на „ЕОС Матрикс“.
Според неа, таквиот длабок и ликвиден секундарен пазар ќе придонесе кон зајакнување на економијата и ќе помогне кон целокупното приближување на земјата до практиките на Европската Унија. Износот на отпишани побарувања од страна на банкарскиот сектор во последните седум години изнесува приближно 350 милиони евра. Оваа бројка, според Бошевска, ја отсликува големината на неискористениот потенцијал на домашниот секундарен финансиски пазар. „Нашите анализи покажаа дека потенцијалот на пазарот е и во многу недвижности што се заробени во отпишаните побарувања. Искуството и експертизата што ги имаме во рамките на групацијата ни овозможија на овие недвижности да гледаме како на нов потенцијал, па по нивното преземање, преку трансформација, создаваме услови истите тие да добијат нова вредност“.
Трансформацијата на недвижниот имот што претставува обезбедување на одредено нефункционално побарување, освен што овозможува тие имоти повторно да станат атрактивни и да се вратат на пазарот, влијае и на заштитата на животната средина и на примената на принципите врз кои се базираат ЕСГ-стандардите. Имено, процесот на трансформација на овој имот значи и целосна ревитализација на зелените површини, но и подобрување на енергетската ефикасност и намалување на јаглеродните емисии.
„ЕОС Матрикс“ очекува овој сегмент дополнително да се развива следната година и да биде еден од неколкуте клучни столба на финансискиот пазар, особено во делот на управување со финансиските ризици.
.webp){kind=icon}
