.webp){kind=icon}
Нафтата се движи кон својата прва квартална загуба во повеќе од две години поради зголемувањето на стравот во врска со глобалното економско забавување и можноста за рецесија, како и поради зајакнувањето на американскиот долар, што претставува закана за побарувачката на овој енергенс.
„West Texas Intermediate“ фјучерсите се тргуваат околу нивото од 81 долар за барел, што претставува намалување на вредноста од дури 23 отсто на квартално ниво. Банкарите од американските Федерални резерви (ФЕД) повторија дека ќе има ново покачување на каматната стапка, мерка со која што би требало да се заузда инфлацијата. Влијание секако има и доларот, со тоа што американската валута во текот на овој месец достигна вредносен рекорд.
Од друга страна, нафтата е на чекор да оствари прва неделна добивка од крајот на август и покрај мечкиниот пазар и ескалацијата на тензијата со Русија.
„WTI“ со испорака во ноември доби поголема вредност за 0,2 проценти и барел нафта утрово се тргуваше по цена од 81,37 долари. Фјучерсите се зголемени за 3 отсто неделава. Брентот нафта за ноември порасна минимално, за 0,1 отсто, на 88,58 долари за барел.
Економското закрепнување на Кина продолжува да претставува предизвик бидејќи таму уште е активна мерката на затварање или ограничување на движењето поради нулта Ковид политиката на државата во обид целосно да се ослободи од вирусот. А, дополнително влијание има и кризата на пазарот на недвижнини. Податоците објавени денеска покажуваат дека производната активност во Кина во текот на овој месец се соочува со проблеми, а услугите забавуваат.
Организацијата на земји извознички на нафта и нивните сојузнички (ОПЕК+) веќе разговараат за намалување на производството и испораката на количините на нафта. Од вкупно 19 аналитичари на Блумберг, 18 очекуваат намалување на количините на нафта.
