Нафтата се движи кон трета неделна загуба поради тоа што неповолните глобални економски показатели поттикнуваат загриженост за побарувачката, а силниот американски долар ја направи суровата нафта поскапа за голем дел од купувачите.
„West Texas Intermediate“ (WTI) ја засили својата вредност и сега се тргува над нивото од 85 долари за барел, но и натаму останува на патот кон неделна загуба од можеби цел процентен поен. На потрошувачката влијае и расположението на американските Федерални резерви (ФЕД), ризикот од рецесија во Европа поради тешката енергетска криза, како и состојбата во Кина, која што и натаму се обидува преку рестрикции да ја одржи нулта Ковид политиката.
Податоците од Кина ја покажуваат мешовитата слика во најголем дел од светските увозници на нафта. Иако некои податоци покажуваат знаци на заздравување во август бидејќи индустриското производство, малопродажбата и инвестициите во траен имот растат побргу од очекуваното, рафинериската индустрија сепак остана под притисок.
Прочитај повеќе
САД објави насоки за планот за ограничување на цената на руската нафта
Насоките се наменети за осигурителните друштва и финансиските компании во меѓународната трговија со нафта
10.09.2022
Путин: Ќе ја прекинеме испораката ако се ограничат цените на енергенсите
Москва против најавите за ограничување на цените на рускиот гас и нафта
07.09.2022
Ни одлуката на ОПЕК+ не успеа да го задржи падот на нафтата
Цената на нафтата падна, а ефектите по одлуката на ОПЕК+ да го намали производството во октомври исчезнаа.
06.09.2022
Bloomberg Mercury
Суровата нафта се ближи кон својата прва тримесечна загуба во повеќе од две години, анулирајќи ги сите добивки остварени по руската инвазија во Украина. Нафтата се повлече заедно со глобалните акции и другите производи, вклучувајќи го бакарот, додека инвеститорите повторно ги анализираа економските показатели и очекувања.
„Расположението на пазарот на нафта и натаму е главно негативно, а загриженоста за кинеската побарувачка останува“, рече Варен Петерсон, раководител за стокова стратегија во „ING Groep NV“ во Сингапур. „Големата сила што ја гледаме во американскиот долар, заедно со очекувањата за чекорите од ФЕД, нема да бидат од голема помош за најголемиот дел од стоките“, додаде тој.
Нафтата, исто така, се најде под притисок од силниот американски долар, па мерачот на Блумберг за тргувања со валутата беше близу до својот рекорд неделава во пресрет на заострувањето на монетарната политика. Јуанот, пак, се спушти на своето најниско ниво од 2020 година.
.webp){kind=icon}